Lifestyle

Dua Lipa, e preferuara e holandezëve

E mërkurë, 20 Shtator 2017 - 12:20 albinfo.ch

Albumi debutues i Dua Lipës ka arritur të shitet në më shumë se 500 mijë kopje në Holandë duke arritur edhe statusin “e artë”, për të cilin fakt këngëtarja është shumë e lumtur.

Përpos albumit debutues “Dua Lipa”, këngëtarja po shijon sukses edhe me këngën më të re “New Rules” që ka arritur statusin më të lartë për shkak të më shumë se një milion transmetimeve, përcjell albinfo.ch.

“Holandë, albumi im i vet-titulluar ka shkuar në të artë. Faleminderit shumë”, ka shkruar ajo në ‘Twitter’.

Dua Lipa tashmë ka shitur të gjitha biletat për koncertin që do të mbajë në Amsterdam më 5 nëntor, shkruajnë mediat holandeze.