Drejtori i PTK-së kërkon drejtësi, thotë se do sqarim pse u rrah

Drejtori i PTK-së, Agron Mustafa, ka thënë se ende nuk e di pse u sulmua nga dy zyrtarë policorë në fund të vitit të kaluar.

“Nuk e di pse ka ndodhur ai rast. Po të më shkonte mendja se do të ndodhte, nuk do të ndodhte. Kam qenë i përcjellë. Po nisem nga video që kam parë. Vetura nga e cila dalin ata shihet se një minutë më herët është sjellë në atë rrugë. Më pas polici në fjalë del dhe na pret rrugën. Isha me Fatosin, sepse jemi familjarë dhe është personi që rri më së shumti”, ka thënë Mustafa në emisionin Interaktiv, përcjell albinfo.ch.

Mustafa ka treguar se i ka njohur të dy zyrtarët, por s’ka pasur kurrë konflikt me ta. Ai ka shpjeguar se ka shkuar në stacionin policor dhe ka dhënë deklaratë si viktimë, ndërsa tash ka kuptuar se është i dyshuar.

Ka kërkuar nga Inspektorati Policor që të merren masa për policët që e sulmuan. Mustafa ka thënë se e ka pasur shumë rëndë ta publikojë videon ku shihet duke u rrahur, por tha se nuk ka pasur mundësi tjetër, duke parë se nuk po merren masa nga Policia.

https://www.facebook.com/agron.mustafa/videos/10156053765279357/