Shqipëria
Dokumentari zviceran përmbyll Festivalin për të Drejtat e Njeriut
"Dokumentari trajton anën e shëmtuar të keqpërdorimit të demokracisë së drejtpërdrejtë nga ana e partive të djathta, por edhe atyre të majta"
Dokumentari i regjisorit zviceran, Thomas Isler, i titulluar “Demokracia merr kot”, ka përmbyllur Festivalin Ndërkombëtar të Filmit për të Drejtat e Njeriut në Tiranë. Dokumentari flet për kërkesat e elektoratit zviceran, për ndryshime të tilla kushtetuese, si iniciativa kundër minareve, bie ndesh me parimet themelore të konventave të njohura ndërkombëtarisht për të drejtat e njeriut.
Ai hulumton nevojën që lind për demokraci të drejtpërdrejtë, duke marrë parasysh kufizimet e një sistemi të tillë politik. Isler në një intervistë për mediet shqiptare ka treguar për kompleksitetin e demokracisë në një vend si Zvicra.
“Dokumentari trajton anën e shëmtuar të keqpërdorimit të demokracisë së drejtpërdrejtë nga ana e partive të djathta, por edhe atyre të majta. Ana e mirë e kësaj pune është vëmendja që tregojnë njerëzit për politikën, sepse politika kërkon mendimin e njerëzve.
Kjo është karakteristikë për Zvicrën, për mënyrën se si ushtrohet pushteti. Ne nuk kemi një president, nuk kemi një qeveri të fortë, kemi të bëjmë me një mënyrë të rrafshët të ushtrimit të pushtetit. Zvicra do të ishte modeli vërtet më i mirë nëse kjo lloj demokracie do të kishte një kuadër kufijsh, pra jo gjithçka mund të hedhësh në votë.
P.sh., nuk mund të hedhësh në votë dënimin me vdekje. 4 herë në vit zviceranet votojnë për referendume. Gjatë gjithë vitit diskutohet në shkollë, në shtëpi, në media, në rrugë, e vijnë e të marrin nënshkrimin për çështje të ndryshme, kështu njerëzit janë gjithnjë në proces reflektimi. Them se kjo pjesë është me vlerë.
Në këtë dokumentar unë shtroj shqetësimet e mia për demokracinë e drejtpërdrejtë, për keqpërdorimin e saj prej populizmit, prandaj marr një kamerë dhe ballafaqohem me njerëzit, pasi kam dëshirë të shoh se si reagojnë ata”, ka thënë regjisori.
https://www.youtube.com/watch?
E-Diaspora
-
VLEN shpall fitoren e quajtur ‘Ndryshimi’, falënderon diasporën Drejtues të koalicionit VLEN në një konferencë për media nga Tetova kanë shpallur fitoren e zgjedhjeve....
-
Shqiptari i vë flakën vetes në Itali, në sy të gruas së tij
-
Dr. Cristiana Lucchetti: Shqipja, gjuha më e rëndësishme e origjinës në Zvicër
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri