Sport

Distria Krasniqi, kampione e Evropës

Ajo mposhti në finale rumunen, Alexandra-Larisa Florian, në kategorinë -52 kg

E premte, 10 Nëntor 2017 - 20:02 albinfo.ch

Xhudistja nga Peja, Distria Krasniqi, i ka sjell Kosovës medaljen e artë nga Kampionati Evropian U-23, që po mbahet në Podgoricë të Malit të Zi, shkruan albinfo.ch.

Krasniqi mposhti në finale rumunen, Alexandra-Larisa Florian, në kategorinë -52 kg.

Ajo deri tek medalja e artë arriti pasi mposhti katër garuese.

Rrethin e parë e kaloi pa luftë. Në të dytën mundi, Betina Temelkova të Izraelit, pastaj në çerekfinale mposhti rusen, Daria Bobrikova. Në gjysmëfinale kaloi pengesën, Francesca Giorda nga Italia.

Ky është edhe një tjetër sukses për xhudon kosovare që i ka sjellë shumë medalje elitare Kosovës.

Edhe trajneri i saj Driton Kuka është shprehur shumë i kënaqur për këtë sukses.

 Të tjera nga Sport

U shpall futbollisti i ndeshjes, Ismajli flet për mediat italiane

 E-Diaspora

 Jeta në Austri