Diaspora organizon konferencën e parë shkencore në Berlin

Konferenca u zhvillua me mbështetjen e Ambasadës së Republikës së Kosovës dhe Ambasadën e Republikës së Shqipërisë në Berlin

U organizua në Berlin të shtunën, më 26.10.2019, konferenca e parë mbi studimet shkencore tematike për Kosovën dhe Shqipërinë.

Kjo konferencë u organizua nga organizata e studentëve dhe alumni shqiptarë – OASA në Berlin(www.oasa.berlin) gjithashtu edhe me pjesëmarrjen e Forumit “Albanians for EU”.

Konferenca u zhvillua me mbështetjen e Ambasadës së Republikës së Kosovës dhe Ambasadën e Republikës së Shqipërisë në Berlin.

Objektivi i konferencës ishte informimi mbi çështjet që lidhen me prespektivat për Shqipërinë dhe Kosovën, por ashtu edhe për Ballkanin Perëndimor. Tematikat që u prezantuan kishin natyrë teknike dhe shkencore. Disa nga prezantuesit janë studentë të universiteteve të ndryshme në Berlin. Këta kanë themeluar Shoqatën e studentëve dhe ish-studentëve (alumni) OASA.

Studentët dhe alumni u përkasin disiplinave të ndryshme dhe jetojnë në Berlin. Këta kanë prejardhje nga shtete të ndryshme të Ballkanit Perëndimor dhe janë shqipfolës. OASA promovon arsimin e lartë, mirëkuptimin mes popujve, shkëmbimin mes studentëve dhe alumni, por mbi të gjitha ndërton ura mes Gjermanisë dhe vendlindjet e anëtarëve të saj. Konferenca u organizua edhe me bashkëpunimin e forumit “Albanians for EU”, themeluar nga Diaspora e Italisë.

Forumi ka 2 objektiva kryesore: 1) të informojë shqiptarët mbi procesin e hyrjes në Bashkimin Evropian por edhe të informojë mbi fondet e BE-së; 2) të rrisë imazhin e shqiptareve dhe vlerën e shtuar që Shqipëria ka për të hyrë në Bashkimin Evropian.

Konferenca kishte për fokus tematikat dhe sfidat aktuale që Shqipëria dhe Kosova përballen.

Tematikat që u trajtuan në konferencën e organizuar nga shoqata OASA-s në Berlin ishin:

1. Mësimi i gjuhës shqipe në Gjermani dhe roli i tij, Muhamet Idrizi (OASA, Hamburg);
2. Dialogu Kosovë-Serbi nga perspektiva e Kushtetutës së Republikës së Kosovës: kushtet, efektet juridike dhe rreziqet, Durim Berisha (Düsseldorf);

III. Roli i grupeve të interesit në Shqipëri në procesin e vendimmarrjes politike, Bledar Milari (Bochum);

1. Rrugëtimi i Shqipërisë drejt BE-së: mundësitë dhe sfidat, Ela Daci (Romë, Itali);
2. Sistemi bankar dhe financiar në Shqipëri, Eda Meta (OASA, Berlin);
3. Reforma në drejtësi në Shqipëri – shpresat, sukseset dhe sfidat, Kristi Vako (OASA, Berlin);

VII. Zhvillimi ekonomik i Shqipërisë me këndvështrim për (mos)hapjen e negociatave me BE-në, Henri Haxhiraj (OASA, Berlin);

VIII. Teknologjia si ndihmë për themelimin e një rrjeti të Diasporës në Europë, Ermir Lushnjari (Milano, Itali);

Duhet të krijohet një tradicion dhe të zhvillohet konferenca çdo vit me tematika të ndryshme, në të njëjtin format.

Qëllimi është që të studiohen tematikat dhe problemet e rajonit, por ashtu edhe të sillen zgjidhje. Kontributi i diasporës është një çelës kyç mbi zhvillimin e rajonit.

Diaspora mund të rienergjizojë dhe të rinovojë Ballkanin Perendimor, duke sjellë përvojë, aftësi, talent, njohuri etj.

 

 

---