Diaspora në Zvicër kërkon mbështetje për Ziadin Selën

Organizata jo qeveritare “Diaspora për Strugën” me selinë në  qytetin e Cyrihut u bënë thirrje të gjithë qytetarëve të Strugës, siç thonë që e duan vendlindjen dhe qytetin e tyre të organizohen për zgjedhjet e 29 tetorit dhe të votojnë dhe të përkrahin Ziadin Selën për kryetar të Komunës në këtë qytet, transmeton albinfo.ch.

“Gjithashtu ju drejtohemi edhe strugasve me kombësi maqedonase që edhe ata para kutisë së votimit të mendojnë për të mirën e qytetit. Ramiz Merko dhe bandat e tij kriminale kanë një qëllim që Strugën ta bëjnë “Pashallek” dhe pronë të tyre private, të uzurpojnë dhe të vjedhin atë që nuk u takon atyre, por i takon qytetarëve, pa marr parasysh kombësinë apo besimin fetar.

Të nderuar banorë të Strugës nuk shitet vatani, mendoni se si veproni kur dikush do të ju blej ose ju ofron diçka që nuk është e tij, por e popullit”, thuhet në thirrjen e kësaj organizate.

Ata madje i kanë bërë një pyetje kryeministrit Zaev nëse partia e tij i ka vënë në pazar qytetaret e Strugës, por edhe ata të Gostivarit. Me këtë thonë se kryeministri ka thyer parimet me të cilat erdhi në pushtet.

Në fund theksohet se Diaspora për Strugën përkrah publikisht Selën në misionin e tij për një “Strugë ndryshe”.

Udhëtimet me autobus janë falas, kurse me aeroplan 250 franga.