Shqipëria
“Dhoma e Tregtisë Zvicër-Shqipëri”, promovuese e fortë e shkëmbimeve të biznesit mes dy vendeve
Dhoma ka pesë kompani zvicerane si anëtarë themelues: Trans Adriatic Pipeline (TAP), SGS, SICPA, PWC, dhe SIKA
Marrëdhëniet midis Zvicrës dhe Shqipërisë janë përmirësuar edhe në fushën ekonomike dhe të biznesit që kur Zvicra hapi Ambasadën e saj për herë të parë 25 vite më parë.
Sidoqoftë, ka shumë më tepër potencial për t’u shfrytëzuar kur bëhet fjalë për investime dhe regëtinë dypalëshe. Këto ishin mesazhet e ditës së dytë të aktiviteteve të 25 vjetorit të Ambasadës së Zvicrës në Tiranë, shkruan faqja zyrtare e Ambasadës së Zvicrës në Tiranë.
“Do të doja të shihja më shumë biznese dhe investime zvicerane në këtë vend. Potenciali ekziston, por mbetet shumë për t’u bërë për ta shfrytëzuar atë. Më vjen mirë që sot po hedhim një hap përpara me lançimin e Dhomës së Tregtisë Zvicër-Shqipëri”, deklaroi ambasadori zviceran Christoph Graf gjatë fjalimit të hapjes, përcjell albinfo.ch.
I pranishëm në ngjarje ishte edhe Raymond Furrer, Kreu i Bashkëpunimit dhe Zhvillimit Ekonomik në Sekretariatin Shtetëror për Çështje Ekonomike (SECO), i cili foli mbi inovacionin.
Një diskutim në panel vijoi ku përfaqësues të qeverisë shqiptare, universiteteve dhe bizneseve folën mbi atë se si mund të përmirësohet mjedisi për biznese dhe ‘start-up’-e, si të përfshihet inovacioni, dhe si të arrihet rritja e punësimit.
Lançimi i Dhomës së Tregtisë Zvicër-Shqipëri ishte momenti më i spikatur i mbrëmjes, ku Xavier Davard, presidenti i dhomës së sapo-formuar si përfaqësi e disa bizneseve zvicerane, përshëndeti të ftuarit dhe njoftoi se “Dhoma e Tregtisë Zvicër-Shqipëri” do të jetë një promovuese e fortë e shkëmbimeve të biznesit midis dy vendeve dhe do të kontribuojë në sektorët që kanë nevojë për ekspertizë nga kompanitë zvicerane.
Një nga aktivitetet e para të Dhomës do të jetë investimi në shkollën profesionale ‘Pavarësia’ në Vlorë ku do të sigurohen printera 3D printers për studentët. Dhoma ka pesë kompani zvicerane si anëtarë themelues: Trans Adriatic Pipeline (TAP), SGS, SICPA, PWC, dhe SIKA.
Të tjera nga Shqipëria
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri