Dhjetëra mijëra refugjatë kanë gjetur punë në Gjermani

Shumë refugjatë punësohen në sektorin e rrogave të ulta, si në atë të shërbimeve, pastrimin apo shërbimet e sigurisë. Punë që shpesh nuk duan t'i bëjnë gjermanët..

Studiuesi i ekonomisë, Wido Geis që është përgjegjës për Shkollimin, Emigracionin dhe Inovacionin në Institutin Gjerman të Ekonomisë në Köln thotë të jetë sukses që nga viti 2015 rreth 30.000 refugjatë kanë gjetur punë në Gjermani.

“Fakti që kemi më shumë të papunë se sa të punësuar tregon se integrimi i refugjatëve në tregun e punës kërkon më shumë kohë. një studim i Institutit për Tregun e Punës dhe Studimet për Profesionin të thotë se refugjatët kanë nevojë për rreth 15 vjet deri sa të arrijnë standartin e emigrantëve që kanë ardhur më parë. Nga ana tjetër e dimë se kanë ardhur njerëz me nivel të ulët të kualifikimit  profesional. Ekonomia gjermane ka mjaftueshëm forca pune në këtë lloj sektori. Prandaj ndikimi në tregun e punës nuk ka për të qenë pozitiv.”, thotë Geis për DW, përcjell albinfo.ch.

Shumë refugjatë punësohen në sektorin e rrogave të ulta, si në atë të shërbimeve, pastrimin apo shërbimet e sigurisë. Punë që shpesh nuk duan t’i bëjnë gjermanët, megjithatë atyre u ofrohen avantazhe.

„Nëse flasim për refugjatë, të cilëve u njihet azili në bazë të Konventës së Gjenevës, normalisht nuk duhet të kemi pengesa burokratike. Ata janë të barabartë me vendasit- Por tek azilkërkuesit situata është ndryshe. Këtu duhet të provohet njëherë, nëse për një vend pune nuk është gati një kandidat gjerman. Ka përmirësime pas ligjit të integrimit, por në administratë ka ende vështirësi, përsa i përket bashkërendimit mes Zyrës së të Huajve dhe Agjencisë së Punës. Shumica e refugjatëve që kanë ardhur në dy vitet e fundit janë të bllokuar aktualisht, sepse ende presin procedurën e azilit dhe nuk janë njohur ende si azilantë“, thotë më tutje Geis.

Sipas tij, refugjatët duhet të mësojnë gjuhën, të kenë profesionin e duhur dhe të bëjnë ekuivalentimin e diplomave.

Në dy vitet e fundit, sipas statistikave, shënojet rritje e numrit të mjekëve sirianë.