Dekorohet me Medaljen e Pavarësisë Eric Leyvraz

Presidenti i Kosovës, Hashim Thaçi, njofton se për kontributin që ka dhënë për Kosovën e ka nderuar me Medalje të Pavarësisë ish-presidentin e Parlamentit dhe Kantonit të Gjenevës, Eric Leyvraz.

“Ish-presidentin e Parlamentit dhe Kantonit të Gjenevës, Eric Leyvraz, sot e dekorova me Medaljen Presidenciale Jubilare të Dhjetëvjetorit të Pavarësisë. Ai ka dhënë kontribut të çmuar për forcimin e subjektivitetit të shtetit tonë dhe është një mik i madh i Kosovës”, ka shkruar Thaçi në Facebook, përcjell albinfo.ch.

Ai e ka nderuar edhe familjen Demaçi. “Për kontributin e madh për lirinë dhe pavarësinë e Kosovës, sot familjen Demaçi e dekorova me Medaljen Presidenciale Jubilare të Dhjetëvjetorit të Pavarësisë. Jemi krenarë që jetuam në epokën e Adem Demaçit. Ai dhe familja e tij u vetëmohuan gjatë tërë jetës për qëllime madhore”, shkroi presidenti i Kosovës.