De Gregorio: Nuk ka kthim mbrapa për Kosovën

Në një deklaratë që albinfo.ch i mori drejtorit për komunikim dhe medie të Fifa-s Walter De Gregorio, ai na siguroi se vendimi për lejimin e kombëtares kosovare për të luajtur ndeshje miqësore ndërkombëtare është ai që ka qenë dhe në këtë kuptim, nuk ka kthimm mbrapa.

“Vendimi është marrë. Nuk bëhet në asnjë mënyrë fjalë për ndonjë mundësi të tërheqjes së vendimit të marrë më herët për të lejuar këto ndeshje. E gjithë ajo që do të vendoset në konferencën e ardhshme në Tokio ka të bëjë me modalitetet, hollësitë dhe detajet.

Në atë konferencë do të vendoset, fjala vjen, nëse do të luajnë ekipet e femrave, juniorët, pastaj detaje tjera teknike. Do të përcaktohen kornizat administrative për ndeshjet në fjalë etj.”, tha Walter de Gregorio.