De Biasi vëzhgon futbollistët shqiptarë në Zvicër

Gianni De Biasi do të jetë në sfidën mes Baselit dhe Luganos, ku aktivizohen Taulant Xhaka dhe Armando Sadiku

Përzgjedhësi i Kombëtares shqiptare, Gianni De Biasi javën e ardhshme do të vëzhgojë futbollistët shqiptarë të cilët luajnë në liga evropiane, shkruan albinfo.ch.

De Biasi do të shohë nga afër formën e lojtarëve, si dhe gjendjen e tyre fizike para ndeshjeve kualifikuese.

Të premten më 3 shkurt, De Biasi do të shikojë afër takimin Hamburg-Bayer Leverkusen, ku për skuadrën e parë paraqitet Mërgim Mavraj, derisa një ditë më pas do të jetë në Zvicër, përkatësisht në sfidën mes Baselit dhe Luganos, apo Taulant Xhakës dhe Armando Sadiku.

Më pas do të vëzhgojë edhe lojtarë të tjerë, derisa ndeshja e marsit ndaj Italisë në Palermo po afrohet. Kuqezinjtë nga katër ndeshje kanë grumbulluar gjashtë pikë.