Futboll
Dardanët vazhdojnë përgatitjet, nuk mungon optimizmi
Në seancën e dytë stërvitore, përzgjedhësi Foda është përqendruar në thellimin e aspektit taktik, duke sqaruar idetë dhe filozofinë e lojës që synon të ndërtojë me ekipin dardan
Në vijim të përgatitjeve për miqësoret ndaj Armenisë dhe Hungarisë, Kombëtarja e Kosovës po punon me vendosmëri në drejtimin e përzgjedhësit të ri, Franco Foda për të filluar një fazë të re me paraqitje të mira dhe të suksesshme në fushën e gjelbër, transmeton albinfo.ch.
Në seancën e dytë stërvitore, përzgjedhësi Foda është përqendruar në thellimin e aspektit taktik, duke sqaruar idetë dhe filozofinë e lojës që synon të ndërtojë me ekipin dardan.
Mërgim Vojvoda, ka theksuar rëndësinë e këtyre miqësoreve për të përgatitur një ambient të ri dhe për të rritur motivimin në grup. “Duhet të kuptohemi me idenë dhe filozofinë e trajnerit. Këto miqësore do të na shërbejnë për të përgatitur ndeshjet e shtatorit,” tha Vojvoda.
Nga ana tjetër, Valon Berisha, vuri në pah rëndësinë e një fillimi të suksesshëm me trajnerin e ri. “Këto dy ndeshje do të na ndihmojnë të kuptojmë trajnerin dhe filozofinë e tij, të krijojmë grupin dhe stilin që ka dëshirë trajneri”, shtoi Berisha. Ai gjithashtu përmendi rëndësinë e krijimit të rezultateve pozitive që do të ndikojnë në atmosferën e mirë brenda grupit.
Nga ana e tjetër, Ilir Avdyli, i cili ndjen privilegjin e madh për të qenë pjesë e Kombëtares së Kosovës, përjetoi ndryshimin e madh që ka përjetuar ekipi gjatë këtyre viteve. “Kam qenë i grumbulluar edhe para shtatë vitesh, por atëherë nuk ishim të pranuar në UEFA e FIFA. Tani është ndjenjë tejet e veçantë”, tha Avdyli.
Përgatitjet e Kombëtares së Kosovës për miqësoret ndaj Armenisë dhe Hungarisë po shfaqin një përkushtim të madh nga lojtarët dhe stafi trajnues, duke shpresuar për rezultate pozitive që do të ndikojnë në forcimin e ekipit për sfidat e shtatorit në Ligën e Kombeve.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?