Archives

Vjena me mbi 600 mijë banorë rezidentë pa të drejtë vote në zgjedhjet për kryeqytetin

Posted on by albinfo.ch

Më shumë se 600,000 banorë të Vjenës – 35.6 për qind e popullsisë së rritur të qytetit – nuk do të jenë në gjendje të votojnë në zgjedhjet e ardhshme duke çuar në akuza se kryeqyteti austriak ka një “gjysmë demokraci”.

Vjena po shkon drejt asaj që disa e quajnë “gjysmë demokraci”, pasi një numër rekord njerëzish nuk do të mund të votojnë në zgjedhjet komunale të dielën, 27 prill për shkak të statusit të tyre të shtetësisë.

Sipas të dhënave të reja nga Statistikat e Austrisë, 611,000 banorë të moshës për të votuar—35.6 përqind e popullsisë mbi 16 vjeç—nuk kanë të drejtë të votojnë për zgjedhjet rajonale (qytetarët e BE-së mund të votojnë në nivel qarku).

Numri në rritje i jovotuesve ka ngjallur kritika nga organizatat e të drejtave të njeriut, me SOS Mitmensch që bën thirrje për reforma urgjente në ligjet e shtetësisë së Austrisë.

“Shifrat aktuale tregojnë se Vjena nuk është më një demokraci e dy të tretave. Tendenca po shkon qartë drejt gjysmës së demokracisë, ku vetëm çdo i dyti person lejohet të votojë,” tha zëdhënësi i SOS Mitmensch, Aleksandër Pollak.

Ai theksoi se shumë nga të përjashtuarit nga votimi kanë jetuar në Vjenë prej vitesh ose madje kanë lindur dhe janë rritur në Austri.

Rritja e jovotuesve nuk është vetëm për shkak të emigracionit, por edhe të ligjeve strikte të shtetësisë së Austrisë, të cilat e bëjnë të vështirë natyralizimin e banorëve afatgjatë.

Austria ka shkallën më të ulët të natyralizimit në BE, me më pak se 0.7 për qind të banorëve të huaj që marrin shtetësi çdo vit. Vendi kërkon që aplikantët të plotësojnë pragjet e larta të të ardhurave, të kalojnë teste të rrepta të gjuhës dhe integrimit dhe të heqin dorë nga shtetësia e tyre e mëparshme pothuajse në çdo rast.

“Sfondi i përjashtimit në rritje nga votimi nuk është aspak vetëm imigrimi në Austri, por edhe aksesi shumë kufizues në shtetësinë austriake, me pengesa të larta të lidhura me të ardhurat dhe burokratike,” shtoi Pollak.

Në të gjithë Austrinë, çështja shtrihet përtej Vjenës. Gati 20 për qind e popullsisë totale të vendit nuk ka të drejtë të votojë në zgjedhjet federale dhe shtetërore për shkak të kombësisë së tyre. Por në disa rrethe vjeneze, shifrat janë edhe më dramatike: mbi 45 për qind e popullsisë në Rudolfsheim-Fünfhaus dhe 44 për qind në Brigittenau dhe Favoriten janë joqytetarë, sipas Statistikave të Austrisë.

Sipas parashikimeve të SOS Mitmensch, nëse trendet aktuale vazhdojnë, Vjena mund të arrijë një pikë deri në vitin 2050 kur më shumë se gjysmës së banorëve të saj nuk kanë të drejtë vote në zgjedhjet komunale.

Organizata ka bërë thirrje prej kohësh për reforma, duke përfshirë bërjen e shtetësisë më të aksesueshme dhe lejimin e banorëve afatgjatë të votojnë në zgjedhjet lokale, pavarësisht nga kombësia.

Qeveria austriake deri më tani i ka rezistuar thirrjeve për ndryshime të rëndësishme në ligjet e shtetësisë dhe votimit, duke pohuar se kombësia duhet të jetë një parakusht për pjesëmarrjen demokratike.

Megjithatë, ndërsa numri i banorëve të huaj rritet, debati mbi përfaqësimin politik të popullsisë ndërkombëtare të Vjenës nuk ka gjasa të zhduket.

Në përgjigje të shqetësimeve në rritje, SOS Mitmensch do të organizojë edhe një herë simbolin e tij “Pass Egal Wahl”, ku joqytetarët mund të votojnë në një zgjedhje paralele për të theksuar përjashtimin e tyre.

Veprimtaria, e cila do të zhvillohet nga data 27 mars deri më 23 prill, lejon të gjithë që jetojnë në Vjenë të hedhin një votë simbolike, pavarësisht nga kombësia.

Nisma, e organizuar nga SOS Mitmensch dhe partnerë të ndryshëm, do të ngrejë qendra votimi në të gjithë Vjenën. Për partitë që do të garojnë në zgjedhjet komunale do të mund të votojnë në votim paralel edhe joqytetarët. Austriakët gjithashtu mund të hedhin një votë solidariteti në mbështetje të një demokracie më gjithëpërfshirëse.

Vendvotimet do të shpallen në www.passegalwahl.at në mes të marsit dhe votuesit do të mund të gjejnë detaje se si të marrin pjesë. Ata që nuk mund të marrin pjesë personalisht do të kenë gjithashtu mundësinë të votojnë me postë dhe informacione të mëtejshme do të jepen më afër periudhës së zgjedhjeve.

Nisma do të përfundojë me një festival demokracie në Yppenplatz në 23 prill, me muzikë të drejtpërdrejtë, shfaqje kulturore dhe numërimin përfundimtar të votave./The Local

Zvicër: Pasagjerët mbetën të bllokuar në tunel për një orë e gjysmë

Posted on by albinfo.ch

Të shtunën në mbrëmje, udhëtimi nga Valais në Bernë u bë një provë durimi për pasagjerët e BLS: një tren u bllokua në tunelin Lötschberg.

“Ne kemi mbetur të bllokuar në tunelin Lötschberg për disa minuta të gjata dhe jemi duke pritur për shërbimin e tërheqjes”, ka thënë një qytetar për mediat lokale, rreth orës 22:00.

“Disa minuta të gjata” u kthyen në një orë. “Kemi ngecur në pjesën më të ngushtë të tunelit, gjë që e bën të vështirë shpëtimin nga treni i shpëtimit”, tha tutje rreth  orës 22:30. Kjo u konfirmua në një regjistrim audio të njoftimit të makinistit.

Më pas në orën 23.10 pasagjerëve iu erdhi ndihma. Treni i shpëtimit kishte mbërritur. Por në Bernë kishte mbaruar përfundimisht. “Treni ynë nuk shkoi në Bazel. Duhet të vrapojmë për në autobus. Jemi 2 orë e 20 minuta me vonesë.”

BLS nuk ishte në dispozicion për koment gjatë natës.

Gjermani: Të gjitha fluturimet në aeroportin e Hamburgut janë anuluar për shkak të grevës

Posted on by albinfo.ch

Vetëm 10 fluturime u kryen në Hamburg të dielën në mëngjes, pas së cilës aeroporti u paralizua. Arsyeja ishte një grevë paralajmëruese e shpallur menjëherë nga sindikata Verdi. “Për këtë arsye, aeroporti mbyllet me efekt të menjëhershëm”, tha një zëdhënëse për portalin e lajmeve Focus.

Për sot ishin planifikuar 144 ardhje dhe 139 nisje, por këto nuk do të realizohen. Greva paralajmëruese fillimisht ishte menduar të niste të dielën në mbrëmje dhe të zgjaste deri në fund të së hënës. Sindikata ka njoftuar gjithashtu greva në aeroporte të tjera në Gjermani për të hënën.

Lufthansa publikon planin special.

Kompania ajrore shkruan në faqen e saj se do të ketë “vonesa dhe anulime të shumta”. Megjithatë, Grupi Lufthansa ka publikuar një plan të veçantë dhe ka krijuar një faqe të dedikuar për parregullsitë afatshkurtra.

“Greva ishte e nevojshme që ndikimi i saj të ndihej realisht,” tha një përfaqësues i sindikatës për Focus. Ai shtoi se, ndonëse ishin të vetëdijshëm për ndikimin tek pasagjerët, tani punëdhënësit duhet të veprojnë.

Sfondi i grevës lidhet me një mosmarrëveshje për pagat me qeverinë federale dhe autoritetet lokale. Sindikata synon ta shfrytëzojë këtë situatë për të forcuar pozitat e saj në raundin e ardhshëm të negociatave, që pritet të mbahet në mes të marsit.Ajo që është veçanërisht e bezdisshme për banorët e Hamburgut është se greva përkon me fillimin e pushimeve të tyre pranverore./Blick

Gjermani: Për çfarë kanë rënë dakord CDU/CSU dhe SPD?

Posted on by albinfo.ch

 

CDU/CSU dhe SPD po hedhin hapin tjetër drejt një qeverie të përbashkët. Bisedimet paraprake kanë përfunduart, e së shpejti forumet partiake mund të japin sinjali e gjelbër për bisedimet e koalicionit, gjatë të cilave temat do të diskutohen në detaje. Në një dokument prej 11 faqesh ndërkohë janë përcaktuar disa detaje.

Taksa për energjinë: Për të lehtësuar sipërmarrjet dhe ekonomitë shtëpiake taksa për energjinë do të ulet në vlerë minimale. Kjo do të lehtësojë me një kuotë prej të paktën pesë cent për kilovat/orë. Unioni konservator (CDU/CSU) dhe socialdemokratët (SPD) duan të përgjysmojnë tarifën për rrjetin e transmetimit, një komponente kjo e çmimit të energjisë.

Reforma tatimore: Shtresa e mesme, sipas dokumentit të bisedimeve paraprake, duhet të çlirohet nga barra e tatimeve. Eshtë planifikuar të reformohet sistemi i tatimit mbi të ardhurat. Po ashtu do të rritet kuota e parashikuar të lehtësohet prej tatimit për kostot e udhëtimit që kanë njerëzit, të cilëve u duhet të udhëtojnë në distanca të gjata nga shtëpia për në vendin e punës.

Automjetet elektrike: Për të fuqizuar sërish kërkesën në rënie për automjetet me elektrik, unioni dhe SPD parashikojnë sërih një „stimul për blerjet”. Më 2023 ky stimul u ndërpre nga koalicioni qeverisës për shkak të vështirësive buxhetore, paas kësaj pati rënie të ndjeshme të kërkesës për këto automjete.

Gastronomia: Tatimi mbi xhiron e të ardhurave për ushqimet në sektorin e gastronomisë do të ulet afatgjatë deri në shtatë përqind. Tatimi mbi vlerën e shtuar në gastronomi është ulur qysh në kohën e pandemisë së koronavisurit nga 19 në shtatë përqind, por kjo ishte vetëm si një masë e përkohshme.

Bujqësia: Vendimi i koalicionit të mëparshëm për të ndërprerë subvencionimin e naftës për sektorin e bujqësisë do të anulohet.

Çështje të punës dhe sociale

Paga minimale: Zhvillimi i pagës minimale duhet të kontribuojë për fuqizimin e fuqisë blerëse si dhe për një kërkesë të qendrueshme në tregun e brendshëm në Gjermani. Në vitin 2026, sipas dokumentit nga bisedimet paraprake të koalicionit, duhet të jetë e mundur arritja e një page minimale me 15 euro për orë pune.

Pensionet: Kush dëshiron të vazhdojë vullnetarisht pasi ka mbushur moshën e pensionit, mund të punojë me të ardhura deri në 2.000 euro në muaj plus pensionit pa tatim. Të ashtuquajturit pension i mëmësisë do të zgjerohen. Edhe për fëmijët e lindur përpara vitit 1992 do të llogariten tre vite nga d vite e gjysmë që llogariteshin deri tani si vite kujdesi për fëmijën në vitet e pensionit.

Ndihma sociale (Bürgergeld): Sistemi i ndihmës sociale (Bürgergeld) do të rikonceptohet. “Ne do ta rikonceptojmë sistemin e deritanishëm të Bürgergeld, drejt një sigurimi bazë për ata që janë në kërkim të një vendi pune”, tha kryetari i CDU-së Friedrich Merz. “Për njerëzit, që mund të punojnë dhe në mënyrë të përsëritur refuzojnë një vend pune të ofruar, do të merret si masë pezullimi i ndihmës sociale.”

Kujdestaria: Në sfondin e rritjes së kostove në miliarda unioni konservator dhe socialdemokratët duan të hapin rrugën për “një reformë të madhe në sistemin e përkujdesjes”.

Koha e punës: Duhet të krijohet mundësia për një kohë maksimale pune javore në vend të kohës maksimale ditore të punës. “Në këtë mënyrë orët shtesë do të paguhen me një suplement përtej të arudhurave sipas kontratës për një punë me nornë të plotë. Të ardhurat nga orët shtesë të punës do të jenë të çliruara nga tatimi.”

Migracioni

E drejta e shtetësisë: E drejta e shtetësisë e reformuar nga koalicioni i mëparshëm qeverisës do të vazhdojë të mbetet në fuqi. Afatet e shkurtuara të pritjes për marrjen e shtetësinë dhe shtetësia e dyfishtë për ata që janë jo shtetas të BE-së do të mbeten gjithashtu në fuqi.

Kthimet në kufi: Në kufijtë e Gjermanisë në të ardhmen mund të kthehen pa u lejuar të hyjnën ëvend edhe njerëzit, që paraqesin kërkesë për azil – por kjo vetëm në marrëveshje me vendet fqinjë. Kthimet në kufi janë parimisht të mundshme vetëm, aty ka kontrolle kufitare. Këto kontrolle faktikisht i ka udhëzuar ministrja e Brendshme Nancy Faeser (SPD)në mënyrë suksesive për të gjithë kufijtë e vendit – kush dëshiron të paraqesë kërkesë për azil normalisht lejohet të hyjë në vend.

Bashkimi familjar: Bashkimi i pjestarëve të familjes për ata që kanë nevojë për mbrojtje do të pezullohet përkohësisht, por për këtë nuk përmend ndonjë afat. Gjithashtu do të ketë një të ashtuquajtur ofensivë kthimi: Gjatë dëbimeve nuk do të ketë më mbrojtje të detyrueshme ligjore, policia federale do të lejohet të udhëzojë ndalimin për dëbim- Po ashtu do të zgjerohet lista me vendet e klasifikuara të sigurta të origjinës.

Të tjera plane

Frena e qirave: Frena e qirave do të zgjatet edhe për dy vjet. Për stabilizimin e tregut të strehimit ndërtimi i banesave do të zgjerohet si një komponente thelbësore për garantimin e mjediseve të banimit.

Qarkullimi urban: Vazhdimi i afatit përtej këtij viti i biletës së preferuar, Deutschlandticket, për autobusë dhe trena rajonalë do të shtrohet gjithashtu për diskutim në tryezën e bisedimeve të koalicionit.

Ligji elektoral: Do të shqyrtohet sërish një reformim i ligjit elektoral të sapon dryshuar për zgjedhjet e 23 shkurtit. Ka pasur kritika, që disa kandidatë për mandatet direkte, edhe pse kanë fituar në zonat e tyre elektorale, nuk kanë mundur të marrin një mandat parlamentar.

Mbrojtja e klimës: Për mbrojtjen e klimës thuhet: “Ne duam të krijojmë produkte neutrale ndaj klimës p.sh. përmes kuotave për çelik neutral ndaj klimës ose për kuotën e gazit ekologjik.  Ne u përmbahemi objektivave gjermane dhe europiane për klimën. Ne punojmë me vendosmëri, që t’i realizojmë objektivat për klimën.

Financimi

Një fond i posaçëm: CDU dhe SPD duan të krijojnë një fond të posaçëm për financimin e ripërtëritjes së infrastrukturës së federatës, landeve dhe komunave, që arrin një volum prej 500 miliard eurosh dhe me një afat dhjetë vjeçar. Ky fond i posaçëm duhet të shërbejë për investime në infrastrukturë. Këtu përfshihen kryesisht investimet për mbrojtjen civile dhe të popullsisë, qarkullimit rrugor, spitaletz, investimet për infrastrukturën energjetike, në arsim, kudjestari dhe infrastrukturën shkencore, në kërkimet shkencore, zhvillim dhe digjitalizim./DW

Përballë ndryshimeve globale, Kosova “t’i rimendojë aleancat”

Posted on by albinfo.ch

Në katër javët e fundit, SHBA-ja i çoi mesazh Evropës që të mos llogarisë përgjithmonë në mbrojtjen e saj. Evropianët folën për nevojën e “pavarësisë” në siguri dhe shprehën shqetësim për të ardhmen e NATO-s. Në Zyrën Ovale pati përplasje diplomatike mes presidentit amerikan, Donald Trump, dhe atij ukrainas, Volodymyr Zelensky. Uashingtoni ia ndali ndihmën ushtarake Kievit dhe pezulloi ndarjen e informacioneve të inteligjencës me të…

Në Kosovë, për gati katër javë, u numëruan vota – votat që u dhanë për zgjedhjet parlamentare të 9 shkurtit. Procesi i numërimit të tyre nisi atë natë dhe nuk përfundoi deri më 5 mars.

Çështja nuk është më te kjo vonesë, por te pyetja që mbetet pa përgjigje: Kush dhe kur do ta formojë qeverinë e re?

Ndërkohë që ngjarjet në botë shpalosen me shpejtësi njëra pas tjetrës, udhëheqësit politikë në Kosovë duket se kanë hyrë në pazarllëk me njëri-tjetrin për ulëset parlamentare.

Të vetmen gjë që e thonë me siguri është se për proceset kritike përpara – nga dialogu me Serbinë deri tek anëtarësimi i Kosovës në organizatat ndërkombëtare – do të vazhdojnë të mbështeten te SHBA-ja dhe BE-ja.

“Ne jemi pjesë e Evropës kontinentale, ndërsa në raport me Shtetet e Bashkuara të Amerikës, partneriteti strategjik ka qenë gjithmonë shtyllë e orientimit tonë”, thotë për programin Expose të Radios Evropa e Lirë Mimoza Kusari-Lila, shefe e Grupit Parlamentar të Lëvizjes Vetëvendosje – aktualisht në pushtet.

“Ka sfida me administratën e re amerikane – ato që shihen edhe botërisht – por ne u qëndrojmë vlerave dhe parimeve të njëjta strategjike”, shton ajo.

Enver Hoxhaj, nga Partia Demokratike e Kosovës, e cila në zgjedhjet e 9 shkurtit doli e dyta, pas Vetëvendosjes, thotë se për politikën e jashtme, adresë e parë e Kosovës duhet të jenë Shtetet e Bashkuara, pastaj Brukseli, Berlini, Parisi e Roma.

“Por, ajo për çfarë ka nevojë Kosova në këtë kohë, është që ta kuptojë se rendi ndërkombëtar, i cili e ka krijuar Kosovën e pavarur, nuk ekziston më”, thotë ai.

“Është një rend i ri ndërkombëtar, ku Kosova do të duhej të gjendej në mënyrë strategjike”, vlerëson Hoxhaj.

E, nga partia e tretë më e madhe në Kosovë – Lidhja Demokratike e Kosovës – thonë se vendi duhet të luajë mençur që të mos ndikohet nga riorganizimi i diplomacisë ndërkombëtare.

“Edhe pse mund të ketë dallime në mendime e në qëndrime mes SHBA-së dhe Evropës, Kosova nuk e ka luksin që të zgjedhë mes këtyre palëve”, sipas Besian Mustafës nga kjo parti.

Në BE, nga fundi i vitit të kaluar, ka udhëheqje të re, e cila ka shprehur mbështetje për integrimin evropian të Kosovës, por ka përsëritur se ky rrugëtim i saj varet nga normalizimi i marrëdhënieve me Serbinë, që është ende larg.

Edhe në SHBA, nga fillimi i këtij viti, ka administratë të re me në krye presidentin Donald Trump, i cili është zotuar se do t’i zgjerojë lidhjet me Kosovën.

Megjithatë, vëzhguesit thonë se ngjarjet e javëve të fundit, kanë treguar se fokusi mund të ndryshojë me shpejtësi, ndaj edhe Kosova duhet të përshtatet me një botë, ku aleancat janë në lëvizje dhe asgjë nuk është e garantuar.

Romana Vlahutin, nga Fondi Gjerman Marshall i Shteteve të Bashkuara, thotë se pozicioni i Ballkanit Perëndimor në politikën e jashtme të SHBA-së, nuk është i sigurt. Kosova, sipas saj, duhet të fokusohet në forcimin e partneriteteve me vendet evropiane dhe me vetë BE-në.

BE-ja nga viti 2023 ka në fuqi disa masa ndëshkuese kundër Kosovës, për shkak të tensioneve në veri të saj. Nga viti 2022, blloku nuk e ka shqyrtuar as aplikimin e Kosovës për anëtarësim në të.

E pyetur se a mund të mbështetet Kosova në një BE të tillë – me 27 anëtarë të ndryshëm – Vlahutin thotë:

“Vërtet, nuk është në interesin e BE-së që të ketë ndonjë krizë të hapur në kontinentin evropian. Është absolutisht në interesin e BE-së që Ballkani Perëndimor të jetë i sigurt dhe i qëndrueshëm. Dhe në këtë kontekst, mendoj se interesat e Kosovës dhe interesat e BE-së janë të njëjta”.

Për Tefta Kelmendin nga Këshilli Evropian për Marrëdhënie me Jashtë, Kosova duhet t’i ripërpunojë marrëdhëniet e saj me BE-në dhe shtetet anëtare kyçe, të tilla si Franca.

Përçarja transatlantike, thotë ajo, ka implikime serioze për sigurinë e gjerë evropiane dhe Kosova, duke qenë në një zonë gri, pa njohje të plotë ndërkombëtare, është veçanërisht e cenueshme.

Kelmendi vlerëson se kjo është një kohë kritike për BE-në për të rritur mbështetjen e saj për Kosovën, por thotë se edhe Kosova duhet të jetë më pragmatike dhe fleksibile dhe të përshtatet me shpejtësi kundrejt pasigurive.

“Kosova duhet të luajë mençur dhe në mënyrë konstruktive. Është koha e fundit që ajo të angazhohet në mënyrë konstruktive në dialogun me Serbinë, të nisë t’i zbatojë marrëveshjet për normalizimin e marrëdhënieve me të dhe t’ia hapë rrugën vetes për anëtarësim në BE”.

“Normalisht, kjo nuk vlen vetëm për Kosovën. BE-ja duhet t’i bëjë trysni edhe Serbisë për të shkuar në drejtimin e duhur”, thotë Kelmendi.

Ajo shton këtu se është tejet e rëndësishme për Kosovën që t’i diversifikojë edhe aleancat dhe partneritetet ndërkombëtare. Në mënyrë të posaçme, ajo thotë se Kosova duhet ta kuptojë realisht rolin e rëndësishëm të Turqisë që ka në botë dhe ta shfrytëzojë partneritetin me të për t’i kapitalizuar synimet e veta.

“Turqia mbetet një partnere shumë e rëndësishme e sigurisë dhe mbrojtjes për rajonin. Së voni, ka edhe një përmirësim raportesh midis saj dhe BE-së. Ndaj, Kosova duhet ta përdorë këtë si avantazh dhe të kërkojë ndihmën e Turqisë për t’i bindur shtetet që s’e njohin, që ta njohin. Pra, në secilin rast, partneriteti i Kosovës me shtete jashtë BE-së dhe jashtë SHBA-së është, gjithashtu, i rëndësishëm për arritjen e qëllimeve diplomatike”, vlerëson Kelmendi.

Vlahutin pajtohet se Turqia është një aleate e vlefshme për Kosovën, që mund ta ndihmojë të forcojë pozicionin e saj ndërkombëtar.

“Mendoj se Bashkimit Evropian do t’i duhet të përafrohet me Turqinë. Turqia është një fuqi serioze ushtarake dhe mund të bëjë shumë të mira në rajon. Po të isha në Kosovë, unë do të isha në kontakt me Ankaranë”, thotë Vlahutin, e cila ka shërbyer si ambasadore e BE-së në Shqipëri.

Kosova është vendi i vetëm në Ballkanin Perëndimor që nuk është kandidat për anëtarësim në BE.

Marrëdhëniet e tensionuara me Serbinë e kanë penguar edhe në procese të tjera, si anëtarësimi në Interpol, UNESCO, Këshill të Evropës e kështu me radhë.

Në vitet e fundit, Qeveria e kryeministrit Albin Kurti është kritikuar në mënyrë të posaçme nga zyrtarët amerikanë, për shkak të disa vendimeve që janë parë si të pakoordinuara dhe me ndikim jo të mirë në jetesën e komunitetit serb në Kosovë.

Kelmendi nuk e përjashton mundësinë që Kosova të përballet me trysni të shtuar nga Shtetet e Bashkuara, për t’u siguruar autonomi më të madhe komunave me shumicë serbe.

“Ne vetëm mund të shohim atë që po ndodh me Ukrainën dhe të imagjinojmë se çfarë mund të ndodhë me Kosovën. Asaj mund t’i duhet të bëjë koncesione shumë të vështira në raport me Serbinë, apo komunat në veri të vendit”, thotë Kelmendi.

Për Vlahutinin, këto janë situata, të cilat, thjesht, “nuk mund t’i përballoni nëse nuk jeni të bashkuar” dhe që kërkojnë “shumë punë, shumë komunikim, shumë dialog dhe shumë miq e partnerë”.

Ajo beson se opsioni më i mirë për Kosovën është që udhëheqësit politikë të bëhen bashkë, për të siguruar përfshirjen e të gjitha grupeve në menaxhimin e proceseve të rëndësishme.

“Në momente sfiduese, uniteti kombëtar është i një rëndësie të madhe”, thotë Vlahutin.

“Gjëja e vetme që më jep shpresë në këtë kohë, është mënyra se si është bashkuar Evropa. Kam ndjesinë sikur edhe Mbretëria e Bashkuar është rikthyer plotësisht në BE”, shton ajo.

Presidentja e Kosovës, Vjosa Osmani, e cila ka rol udhëheqës në politikën e jashtme të vendit, përsërit vazhdimisht rëndësinë e partneriteteve ndërkombëtare për zhvillimin dhe stabilitetin e Kosovës.

Analistët thonë se këto zotime duhet të tejkalojnë retorikën e thjeshtë dhe të shndërrohen në veprime të prekshme dhe progres të matshëm.

Udhëheqësit politikë, me gjasë, janë duke i vazhduar diskutimet për formimin e qeverisë së ardhshme – kush me kë e kujt sa – por bota është duke lëvizur me shpejtësi dhe nuk ndalet për askënd./REL

Laura Fazliu kthehet me medalje nga Grand Prix

Posted on by albinfo.ch

Xhudistja Laura Fazliu është kthyer me medalje nga garat e xhudos në Grand Prix Upper Austria, në Linz. Ajo fitoi medaljen e bronztë në kategorinë deri në 63 kilogramë.

Në Austri ishte bartësja e parë e kategorisë, por u ndal në gjysmëfinale, ku u mposht nga japonezja e re, So Morichika. Ajo luftë u vendos me dënime, dhe Laura e pësoi dënimin e tretë në kohën shtesë.

Të premten, medalje të argjendtë në Austri fitoi Distria Krasniqi, e cila në finalen e kategorisë deri në 52 kilogramë u mposht nga japonezja Iroha Oi.

Në Grand Prix të Austrisë po garojnë 416 xhudistë nga 52 vende. Në kategorinë deri në 63 kilogramë ishin 31 xhudiste, më shumë se në çdo kategori tjetër.

Puna “në të zezë” – Stafi i kuzhinës së hotelit dëbohet në Kosovë

Posted on by albinfo.ch

Zyrtarët e zyrës kryesore doganore në Dortmund kanë kapur dy punëtorë të paligjshëm në një hotel-restorant në Netphen. Dogana kishte marrë një njoftim përkatës.

Një grua (me shtetësi kosovar) u arratis nga kuzhina dhe tentoi t’i shmangej kontrollit, por u kap nga doganierët, transmeton albinfo.ch. Kur u kontrolluan të dhënat e saj personale, rezultoi se kosovarja nuk kishte të drejtë të punonte. Duke u marrë në punë në mënyrë të paligjshme, ajo ka humbur kështu edhe të drejtën e qëndrimit.

E njëjta gjë vlen edhe për një shtetas tjetër kosovar, i cili po ashtu ishte i punësuar në kuzhinë. Pasaportat e tyre u konfiskuan dhe iu dorëzuan autoriteteve të emigracionit. Dy kosovarët tani duhet të largohen nga vendi brenda një afati të shkurtër, thuhet në komunikatën e zyrës kryesore doganore.

Punësimi i paligjshëm: ekziston rreziku i gjobës deri në 500.000 euro

“Rrethana të tilla mund të rezultojnë në një gjobë të madhe, shkruan wp.de. Punësimi i paligjshëm i të huajve mund të dënohet me gjobë deri në 500 mijë euro”, shpjegon zëdhënësja e shtypit e zyrës kryesore doganore në Dortmund, Andrea Münch.

Duke qenë se dy punonjësit nuk ishin të regjistruar në sigurimet shoqërore, edhe punëdhënësi përballet me procedim penal, përcjell albinfo.ch.

“Kontrollet e paparalajmëruara duhet të priten në çdo kohë, sidomos në sektorët që janë veçanërisht të ndjeshëm ndaj punës së padeklaruar dhe shkeljes së rregullave për pagën minimale”, shton zëdhënësja

Mbi 600 të vdekur për dy ditë në Siri

Posted on by erezzaademi

Nga dita e enjte në Siri kanë shpërthyer përleshjet mes forcave të sigurisë dhe besnikëve të presidentit të rrëzuar sirian Bashar al-Assad.

Qeveria siriane ka deklaruar se po i përgjigjej sulmeve nga mbetjet e forcave të Asadit dhe fajësoi “veprimet individuale” për dhunën e shfrenuar.

Vrasjet hakmarrëse, që filluan të premten nga persona të armatosur myslimanë sunitë besnikë ndaj qeverisë, kundër anëtarëve të sektit pakicë alavit të Asadit, janë një goditje e madhe për Hayat Tahrir al-Sham, fraksionin që udhëhoqi përmbysjen e ish-qeverisë tre muaj më parë. Për dekada, alavitët kanë përbërë një pjesë të madhe të bazës mbështetëse të Asadit, raporton AP.

Një observator sirian i luftës ka deklaruar sot se forcat e sigurisë dhe grupet aleate kanë vrarë 532 civilë alavitë gjatë ditëve të fundit, duke e rritur numrin nga 428 që ishte më parë, shkruan albinfo.ch. Në total, më shumë se 600 njerëz janë vrarë, përfshirë 120 luftëtarë pro-Asadit dhe 89 pjesëtarë të forcave të sigurisë.

Observatori Sirian për të Drejtat e Njeriut raportoi se “532 civilë alavitë u vranë në zonat bregdetare siriane dhe malet e Latakias në duart e forcave të sigurisë dhe grupeve aleate” që nga e enjtja, kur shpërthyen përleshjet vdekjeprurëse midis forcave të sigurisë dhe personave të armatosur besnikë të presidentit të rrëzuar Bashar al-Assad.

Banorët e fshatrave dhe qyteteve alavite folën për Associated Press për vrasjet gjatë të cilave persona të armatosur qëlluan alavitët, shumica e tyre burra, në rrugë ose në portat e shtëpive të tyre. Shumë shtëpi të alavitëve u plaçkitën dhe më pas u dogjën në zona të ndryshme, thanë për AP dy banorë të rajonit bregdetar të Sirisë.

Dhuna në bregdetin sirian të shtunën bëri që Komiteti Ndërkombëtar i Kryqit të Kuq të bëjë thirrje për akses të sigurt për punonjësit e shëndetësisë dhe ndihmës në zonat e prekura, veçanërisht në qeveritë e Latakias dhe Tartusit. Banorët e Baniyas, një nga qytetet më të goditura nga dhuna, thanë se kufomat u shpërndanë në rrugë ose u lanë të pavarrosur në shtëpi dhe në çatitë e ndërtesave dhe askush nuk ishte në gjendje t’i mblidhte. Një banor tha se personat e armatosur i penguan banorët për orë të tëra që të hiqnin trupat e pesë fqinjëve të tyre të vrarë nga afërsia të premten.

Monitoruesi i luftës, Observatori Sirian për të Drejtat e Njeriut me bazë në Britani ka njoftuar se 428 alavitë ishin vrarë në sulmet hakmarrëse, përveç 120 luftëtarëve pro-Asad dhe 89 nga forcat e sigurisë. Shefi i Observatorit Rami Abdurrahman tha se vrasjet për hakmarrje u ndalën herët të shtunën.

“Kjo ishte një nga masakrat më të mëdha gjatë konfliktit sirian”, tha Abdurrahman për vrasjet e civilëve alavitë. Nën Asadin, alavitët mbanin poste të larta në ushtri dhe agjencitë e sigurisë. Qeveria e re ka fajësuar besnikët e tij për sulmet kundër forcave të reja të sigurisë të vendit gjatë disa javëve të fundit.

Ndryshe, sipas Observatorit, përleshjet më të fundit filluan kur forcat qeveritare u përpoqën të arrestonin një person të kërkuar pranë qytetit bregdetar të Jableh dhe u zunë në pritë nga besnikët e Asadit.

Këto janë gjërat që njerëzit nga jashtë vendit i lidhin vërtet me Zvicrën

Posted on by erezzaademi

Çokollata, male, djathë… dhe jo vetëm. Një sondazh federal tregon atë që njerëzit në mbarë botën lidhin spontanisht me Zvicrën. Përveç klisheve të zakonshme, imazhi i vendit ka edhe disa surpriza.

Vendi gëzon një reputacion të mirë. Por çfarë ju vjen në mendje kur njerëzit në mbarë botën mendojnë për Zvicrën? Një sondazh me bazë të gjerë nga qeveria federale tregon se, pavarësisht të gjitha përpjekjeve për të ripozicionuar vendin tonë, imazhet e vjetra shpesh dominojnë!

Megjithatë, në varësi të rajonit, Zvicra perceptohet shumë ndryshe. Për përfaqësuesin “Image Monitor”, Ministria e Jashtme anketoi gjithsej 11130 persona në 18 vende. Një pjesë e kësaj: të ashtuquajturat shoqata spontane me Zvicrën.

Të anketuarit pikturojnë një pamje të Zvicrës mes luksit, natyrës dhe çmimeve të larta. Këtu janë 7 gjetje interesante, transmeton albinfo.ch.

  1. Deri tani, kaq klishe?

Në krye të listës janë malet dhe Alpet. 23 për qind e të anketuarve mendojnë menjëherë për to kur pyeten për Zvicrën. Nga afër është deklarata se Zvicra është një vend i bukur. Dhe 18 për qind e lidhin vendin me çokollatën.

Për 13 për qind, prosperiteti dhe stabiliteti ekonomik janë zakonisht zvicerane. Por orët dhe djathi gjithashtu shënojnë mirë. Deri tani, kaq klishe? Qeveria federale flet për një “përshtypje të parë stereotipike, por kryesisht pozitive për vendin”.

11 për qind e të anketuarve i lidhin menjëherë bankat me Zvicrën. Është interesante se rënia spektakolare e Credit Suisse në vitin 2023 ka lënë pak gjurmë në imazhin e vendit, edhe pse rënia bëri bujë në mbarë botën.

  1. Neutraliteti

Një nga markat tregtare të Zvicrës, neutraliteti, përmendet me 10 për qind. Kjo shifër u rrit pas luftës në Ukrainë, por tani po normalizohet sërish, shkruan Blick. Megjithatë, roli i Zvicrës si një shtet neutral ende perceptohet fuqishëm, veçanërisht në fqinjësinë e saj evropiane dhe në Azinë Lindore.

  1. Zvicra e pastër?!

Zvicra gjithashtu lidhet relativisht shpesh me pastërtinë. Ky perceptim është veçanërisht i theksuar në vendet fqinje si Italia dhe Franca.

Zvicra mund të konsiderohet shumë e pastër. Por një studim përfaqësues i vitit 2024 tregoi se burrat dhe gratë zvicerane nuk janë aq të rreptë për pastërtinë në jetën e tyre private. Ata pastrojnë më rrallë se fqinjët e tyre jashtë vendit.

  1. Çmimet e larta polarizohen

Krahas shumë pikave të forta, “përmenden vetëm disa dobësi”, siç thekson Ministria e Jashtme. Të anketuarit e shohin dobësinë më të madhe të Zvicrës si koston e lartë të jetesës dhe çmimet.

Në Gjermani dhe Austri, dy vende të tjera fqinje, dominon imazhi i Zvicrës së shtrenjtë. 32 për qind e austriakëve të anketuar e lidhin spontanisht vendin tonë me këtë, ndërsa në Gjermani shifra është 25 për qind.

Sipas Ministrisë së Jashtme, kjo konfirmon “fenomenin e njohur se perceptimi i Zvicrës në vendet fqinje shpesh është disi më i diferencuar dhe ndonjëherë disi më kritik se në vendet më larg”.

  1. Vendet dhe preferencat e tyre të veçanta

Në varësi të vendit, një imazh i caktuar është veçanërisht i theksuar. 42 për qind e indianëve spontanisht e lidhin Zvicrën me bukurinë e saj, 45 për qind e koreano-jugorëve mendojnë menjëherë për malet – këto janë shifrat kryesore. Në Kinë (33 përqind e të anketuarve) dhe Poloni (27 përqind), orët luksoze janë veçanërisht në fokus, në Afrikën e Jugut është çokollata (30 përqind).

  1. Një “destinacion idilik pushimesh”

Në Britaninë e Madhe, SHBA dhe Austri, Zvicra është më shpesh se mesatarja e lidhur me skijimin dhe pushimet dimërore. Në Emiratet e Bashkuara Arabe, megjithatë, Zvicra perceptohet thjesht si një “destinacion idilik, romantik për pushime”.

  1. Klishetë nuk vdesin kurrë

Ndërsa bota po ndryshon, imazhi i Zvicrës mbetet kryesisht i qëndrueshëm. Dhe kjo nuk ka gjasa të ndryshojë së shpejti. Stabiliteti tregohet nga fakti se mbi 70 për qind e të anketuarve thonë se imazhi i tyre ka mbetur i njëjtë gjatë dy viteve të fundit.

Analiza e prezantuar së fundi “Zvicra nga një perspektivë e huaj” nga Presence Switzerland, departamenti për komunikim kombëtar, bazohet në “Image Monitor 2024”.

Trump i dërgon letër Iranit, priten bisedime për marrëveshje të re bërthamore SHBA-Iran

Posted on by erezzaademi

Presidenti i Shteteve të Bashkuara të Amerikës, Donald Trump, u ka dërguar letër udhëheqësve të Republikës Islamike, duke sugjeruar bisedime, mes frikës së Perëndimit se Irani po zhvillon me shpejtësi aftësitë për të prodhuar armë atomike.

Trump në një intervistë për “Fox Business”, ka thënë: “U thashë se shpresoj që të negociojnë, sepse do të jetë shumë më mirë për Iranin”.

“Mendoj se ata do ta vlerësojnë atë letër. Alternativa tjetër është që ne të bëjmë diçka, sepse nuk mund të lejojmë një tjetër armë bërthamore”, ka thënë ai, transmeton albinfo.ch.

Misioni i Iranit në Kombet e Bashkuara në New York ka deklaruar se Teherani ende nuk e ka marrë letrën në fjalë.

Media “Nour News” e Iranit, e lidhur me organin më të lartë të sigurisë të vendit, nuk i kushtoi shumë rëndësi letrës, duke e quajtur një “spektakël të përsëritur” nga Washingtoni. I pyetur nëse ai ia kishte dërguar letrën, Ayatollah Ali Khameneit, udhëheqësit suprem antiperëndimor të Iranit, Trump tha: “Po”. “Ka dy mënyra se si mund të trajtohet Irani: ushtarakisht, ose të bësh një marrëveshje,” ishte komenti i tij. “Unë do të preferoja të bëja një marrëveshje, sepse nuk po përpiqem të dëmtoj Iranin. Ata janë njerëz të mrekullueshëm”.

BE shënon rënie rekord të lindjeve

Posted on by erezzaademi

Numri i foshnjave të lindura në Bashkimin Evropian ka rënë për 5.4 për qind në 3.67 milionë në vitin 2023, rënia më e madhe në dekada, treguan të premten të dhënat zyrtare, duke nënvizuar çështjet demografike të bllokut.

Shkalla e lindshmërisë në 27 vendet e BE-së ishte 1.38 lindje të gjalla për grua, nga 1.46 në 2022 dhe shumë nën “nivelin e zëvendësimit” prej 2.1, në të cilin një popullsi është e qëndrueshme.

“Kjo është rënia më e madhe vjetore e regjistruar që nga viti 1961”, viti i parë për të cilin disponohen të dhëna të përgjithshme në mbarë BE-në, tha agjencia statistikore e bllokut, Eurostat, për rënien e lindjeve, transmeton albinfo.ch.

Lindjet kanë rënë në mënyrë të vazhdueshme në Evropë që nga mesi i viteve 1960, duke regjistruar vetëm rikuperime modeste të rastësishme gjatë 20 viteve të fundit, sipas agjencisë statistikore të BE-së.

Si pasojë, popullsia e bllokut po plaket me shpejtësi dhe disa vende përballen me mungesë të fuqisë punëtore në një kohë kur përfitimet e së djathtës kanë shtyrë shumë qeveri të shtypin emigracionin.

Në vitin 1964, një rekord 6.8 milionë fëmijë lindën në bllok, pothuajse dy herë më shumë se në vitin 2023, sipas Eurostat.

Bullgaria raportoi shkallën më të lartë të lindshmërisë totale prej 1.81 në BE në vitin 2023, e ndjekur nga Franca me 1.66 dhe Hungaria me 1.55.

Në anën tjetër të shkallës ishte Malta, me 1.06 lindje për grua, pasuar nga Spanja me 1.12 dhe Lituania me 1.18.

Mosha mesatare në të cilën gratë kanë fëmijën e tyre të parë vazhdoi të rritet, duke qëndruar në 29.8 vjeç, nga 28.8 në 2013, tha Eurostat.

Pavarësisht regjistrimit të më shumë vdekjeve sesa lindjeve, popullsia totale e BE-së u rrit me 1.6 milionë në 449.2 milionë njerëz në vitin 2023, si rezultat i migrimit.

Gjermani: Punët dhe aftësitë që po kërkohen gjithnjë e më shumë

Posted on by erezzaademi

Nëse po pyesni se çfarë aftësish po kërkohen më shumë në tregun gjerman të punës, një studim i ri nxjerr në pah vendet e punës në trend në Gjermani që mund të frymëzojnë ata që kërkojnë një sfidë të re.

Me faktorë si ndryshimi i klimës dhe zhvillimi i teknologjisë, bota e punës po ndryshon vazhdimisht.

Kjo mund të tingëllojë e frikshme, por nga ana pozitive, mund t’i frymëzojë njerëzit të zhvillojnë ose të përparojnë në disa aftësi që po bëhen më të dëshirueshme në profesione.

Shumë njerëz në Gjermani mund të mendojnë për një ndryshim të karrierës, ose duke u kthyer në një sektor të lidhur. Ndërkohë, Gjermania po inkurajon edhe njerëzit nga jashtë me aftësi të kërkuara për të ardhur në vend, transmeton albinfo.ch.

Për ata që janë kuriozë, motori ndërkombëtar i kërkimit të punës LinkedIn ka publikuar një listë me 25 vende pune që po rriten në kërkesë në Gjermani.

LinkedIn thotë: “Nga bumi i AI te rikthimi i vendeve të punës në industrinë e udhëtimeve dhe hotelierisë: lista tregon se ku po hapen mundësi të qëndrueshme për punëkërkuesit.”

Kompania shton se lista e saj e vendeve të punës në tendencë “mund të shërbejë si një udhëzues për rrugën tuaj të ardhshme të karrierës” dhe se punëkërkuesit “mund të mësojnë më shumë për aftësitë më të rëndësishme, rajonet kryesore të punësimit, disponueshmërinë e punës në distancë dhe hibride, dhe shumë më tepër”.

Edhe pse shumë pozicione në Gjermani kërkojnë që të flisni gjermanisht, shumë kompani janë ndërkombëtare dhe inkurajojnë folësit anglezë të aplikojnë, shkruan thelocal.

Këtu janë 10 pozicionet kryesore nga lista, duke përfshirë aftësitë thelbësore të kërkuara për secilin, cilat rajone zakonisht punësohen, përvojën e nevojshme përgjithësisht dhe nëse ka një shans për punë në distancë ose hibride.

Kërkimi në gjermanisht dhe anglisht në vendet e punës mund të jetë i dobishëm për disa nga rolet.

  • Menaxher i Energjisë, i listuar gjithashtu si Specialist i Energjisë dhe Konsulent i Energjisë (Energie-Manager*in)

Menaxherët e energjisë analizojnë dhe optimizojnë konsumin e energjisë të kompanisë së tyre për të ulur kostot dhe për të rritur efikasitetin e energjisë.

Aftësitë më të zakonshme: menaxhimi i energjisë, auditimi i energjisë, politika energjetike

Rajonet kryesore për punësim: Berlin/Brandenburg, Mynih, Düsseldorf dhe zonat përreth

Përvoja mesatare profesionale: 3.7 vjet

Disponueshmëria e modeleve fleksibël të punës: 3 përqind telekomandë; 34 për qind hibride

  • Pronari i Procesit të Biznesit, i listuar gjithashtu si Analist i Procesit të Biznesit dhe Konsulent i Procesit të Biznesit

Pronarët e proceseve të biznesit zhvillojnë, menaxhojnë dhe optimizojnë proceset e biznesit të organizatës së tyre dhe i harmonizojnë ato me qëllimet përkatëse të kompanisë.

Aftësitë më të zakonshme: Optimizimi i proceseve të biznesit, SAP ERP, menaxhim i procesit të biznesit

Rajonet kryesore për punësim: Mynih, Berlin/Brandenburg, rajoni i Nurembergut

Përvoja mesatare profesionale: 5.1 vjet

Disponueshmëria e modeleve fleksibël të punës: 8 përqind telekomandë; 45 për qind hibride

  • Specialist i markës së punëdhënësit, i listuar gjithashtu si Menaxher i markës së punëdhënësit (Spezialist*in für Employer Branding)

Për të tërhequr dhe mbajtur talentin dhe punëtorët e aftë, specialistët e markës së punëdhënësve zhvillojnë dhe zbatojnë strategji për të përmirësuar markën e punëdhënësit të një kompanie.

Aftësitë më të zakonshme: Markimi i punëdhënësit, marketingu i burimeve njerëzore, rekrutimi

Rajonet kryesore ku bëhet punësimi: Mynih, Berlin/Brandenburg, Këln/Bon

Përvoja mesatare profesionale: 3.3 vjet

Disponueshmëria e modeleve fleksibël të punës: 0.7 përqind në distancë; 53 për qind hibride

  • Konsulent udhëtimesh, i listuar gjithashtu si konsulent shitjesh në industrinë e udhëtimeve, ekspert udhëtimesh (Reiseberater*in)

Konsulentët e udhëtimit koordinojnë, rezervojnë dhe menaxhojnë aranzhimet e udhëtimit për individë ose grupe dhe sigurojnë efikasitet të kostos.

Aftësitë më të zakonshme: menaxhimi i udhëtimit, shitjet, planifikimi i udhëtimit

Rajonet kryesore për punësim: Berlin/Brandenburg, Mynih, Hamburg dhe zonat përreth

Përvoja mesatare profesionale: 3.3 vjet

Disponueshmëria e modeleve fleksibël të punës: 23 përqind në distancë; 12 për qind hibride

  • Menaxher i Qëndrueshmërisë, i listuar gjithashtu si Zyrtar i Qëndrueshmërisë ose Konsulent i Qëndrueshmërisë (Nachhaltigkeitsmanager*in)

Menaxherët e qëndrueshmërisë planifikojnë, menaxhojnë dhe vlerësojnë strategjinë e qëndrueshmërisë së një kompanie, e cila është në përputhje me vlerat e saj dhe vendos qëllime të matshme të qëndrueshmërisë.

Aftësitë më të zakonshme: Qëndrueshmëria e korporatës, strategjia e qëndrueshmërisë

Rajonet kryesore për punësim: Mynih, Këln/Bon, Berlin/Brandenburg

Përvoja mesatare profesionale: 3.5 vjet

Disponueshmëria e modeleve fleksibël të punës: 2 përqind telekomandë; 47 për qind hibride

  • Zhvilluesi i AI, i listuar gjithashtu si Programues i AI (KI-Entwickler*in)

Zhvilluesit e AI programojnë, testojnë dhe menaxhojnë softuerin e AI, si dhe modele dhe infrastrukturë për të automatizuar detyrat dhe për të zgjidhur probleme komplekse.

Aftësitë më të zakonshme: Deep Learning, PyTorch, Computer Vision

Rajonet kryesore për punësim: Mynih, Berlin/Brandenburg, Frankfurt/Rhine-Main

Përvoja mesatare profesionale: 2.8 vjet

Disponueshmëria e modeleve fleksibël të punës: 28 përqind në distancë; 50 për qind hybrid

  • Inxhinier i cilësisë së furnizuesit (Qualitätsingenieur*in für Zulieferer)

Inxhinierët e cilësisë së furnizuesit sigurojnë që produktet dhe materialet e furnitorëve të përmbushin standardet e specifikuara të cilësisë përmes vlerësimit dhe testimit.

Aftësitë më të zakonshme: Cilësia e furnizuesit, Procedura e pranimit të pjesëve të prodhimit (PPAP), Planifikimi i avancuar i cilësisë së produktit (APQP)

Rajonet kryesore për punësim: Berlin/Brandenburg, Tübingen dhe zonat përreth, Hamburg dhe zonat përreth

Përvoja mesatare profesionale: 4 vjet

Disponueshmëria e modeleve fleksibël të punës: 1 përqind telekomandë; 41 për qind hibride

  • Specialist në zhvillimin e burimeve njerëzore, i listuar gjithashtu si zhvillues i personelit, specialist i burimeve njerëzore (Spezialist*in für HR-Entwicklung)

Specialistët në zhvillimin e burimeve njerëzore analizojnë se cilat aftësi nevojiten në një kompani, i forcojnë këto aftësi në fuqinë punëtore dhe mbështesin punonjësit në zhvillimin e tyre profesional.

Aftësitë më të zakonshme: zhvillimi i punonjësve, rekrutimi, zhvillimi i lidershipit

Rajonet kryesore për punësim: Mynih, Frankfurt/Rhine-Main, Berlin/Brandenburg

Përvoja mesatare profesionale: 3.1 vjet

Disponueshmëria e modeleve fleksibël të punës: 0.4 përqind në distancë; 43 për qind hibride

  • Zhvilluesi i Sigurisë Kibernetike, i listuar gjithashtu nën Specialistin e Sigurisë Kibernetike, Analist i Sigurisë Kibernetike, Inxhinier i Sigurisë Kibernetike (Entwickler*in für Cybersicherheit)

Zhvilluesit e sigurisë kibernetike zbatojnë standardet e sigurisë, identifikojnë dhe vlerësojnë faktorët e rrezikut dhe zbulojnë dobësitë për të mbrojtur organizatën e tyre nga sulmet e jashtme kibernetike

Aftësitë më të zakonshme: Siguria e Informacionit dhe Menaxhimi i Ngjarjeve (SIEM), siguria e rrjetit, aftësitë IT

Rajonet kryesore për punësim: Mynih, Shtutgart, Berlin/Brandenburg

Përvoja mesatare profesionale: 4 vjet

Disponueshmëria e modeleve fleksibël të punës: 12 përqind telekomandë; 49 për qind hibride

  • Zhvilluesi i platformës, i listuar gjithashtu si zhvillues i softuerit (Plattform-Entwickler*in)

Zhvilluesit e platformave planifikojnë dhe mirëmbajnë infrastrukturën dhe platformat themelore të TI-së të një kompanie, të cilat nga ana e tyre mbështesin aplikacionet dhe shërbimet softuerike.

Aftësitë më të zakonshme: Terraform, Kubernetes, Ansible

Rajonet kryesore për punësim: Berlin/Brandenburg, Mynih, Hamburg dhe zonat përreth

Përvoja mesatare profesionale: 4.9 vjet

Disponueshmëria e modeleve fleksibël të punës: 19 përqind në distancë; 51 për qind hibride

Punë të tjera në listë përfshijnë: menaxherët e ngjarjeve, oficerët e sigurisë IT, anëtarët e ekuipazhit të kabinës dhe menaxherët e hotelierisë.

Arrihet marrëveshja paraprake, CDU dhe SPD drejt formimit të koalicionit qeverisës

Posted on by erezzaademi

Fituesi i zgjedhjeve në Gjermani, Friedrich Merz dhe Social Demokratët (SPD), partia e Olaf Scholz kanë përfunduar bisedimet paraprake për formimin e një koalicioni.

Sipas njoftimit, ata premtuan se do të ashpërsojnë masat me migracionin ilegal, do të mbështesin industrinë dhe do të nxisin rritjen e ekonomisë.

Kancelari në pritje, Friedrich Merz është shprehur se dëshiron të krijojë një koalicion deri në Pashkë, që i bie më 20 prill të këtij viti, transmeton albinfo.ch.

Të dyja partitë synuan një marrëveshje përpara javës së ardhshme, ku përmes Parlamentit të ringjallin rritjen e ekonomisë së Evropës dhe të rrisin shpenzimet ushtarake, shkruan Reuters.

“Ka një urgjencë të madhe, veçanërisht në lidhje me buxhetin (ushtarak) të Bundeswehr-it”, tha Merz.

Në Gjermani, ku koalicionet janë normë, qeveritë zakonisht formohen në dy faza: fillimisht, partitë zhvillojnë bisedime eksploruese dhe më pas hyjnë në negociata formale për koalicionin. Blloku konservator CDU/CSU i Merz-it dhe SPD-ja kanë diskutuar çështje si migracioni dhe pagesat e mirëqenies, duke u bashkuar pas një fushate të ashpër zgjedhore.

Merz premtoi masa më të ashpra për të trajtuar migracionin e paligjshëm, duke përfshirë largimin e njerëzve në kufijtë e Gjermanisë dhe zgjerimin e kontrolleve kufitare, duke premtuar se do të veprojë së bashku me anëtarët e tjerë të Bashkimit Evropian.

Ai tha gjithashtu se Gjermania duhet të synojë rritjen ekonomike 1%-2% dhe kostot më të ulëta të energjisë për të ndihmuar bizneset.

“Në koordinim me fqinjët tanë evropianë, ne do të refuzojmë njerëzit në kufijtë tanë të përbashkët, duke përfshirë azilkërkuesit. Ne duam të marrim të gjitha masat ligjore për të reduktuar migrimin e parregullt në përgjithësi. Ne do të zgjerojmë masivisht kontrollet kufitare që nga dita e parë e qeverisë sonë të përbashkët dhe gjithashtu do të rrisim ndjeshëm numrin e refuzimeve me këto kontrolle kufitare,” tha Merz.

Kosovë: Ngritja e çmimit të rrymës pritet të ndikojë në shtrenjtimin e produkteve të tjera

Posted on by erezzaademi

Shtrenjtimi i mundshëm i energjisë elektrike nga 1 prilli, pritet të ndikojë edhe në rritjen e çmimeve të produkteve tjera në vend. Kërkesa e kompanive energjetike për ngritje të çmimit të energjisë elektrike, ka nxitur reagime te qytetarët, ekspertët e ekonomisë dhe bizneset, të cilët kërkojnë ndërhyrje urgjente nga shteti për të shmangur shtrenjtimin e rrymës.

Gjatë këtij muaji, Zyra e Rregullatorit të Energjisë (ZRrE) pritet të bëjë shqyrtimin dhe caktimin e tarifave të energjisë elektrike, të cilat shpallen çdo 1 prill dhe vlejnë deri më 31 mars të vitit pasues.

Njohës të ekonomisë thonë se rritja e mundshme e tarifave do të ndikojë negativisht tek bizneset, duke i detyruar ato të rrisin kostot e prodhimeve finale.

Megjithatë, njohësi i energjisë, Hamdi Malushaj, shpreh dyshime mbi transparencën e procesit të përcaktimit të çmimit të energjisë.

Ai thotë se qeveria duhet të ndërhyjë urgjentisht dhe të kryejë një auditim për të verifikuar nëse rritja e çmimit është e justifikuar apo jo, duke e bërë këtë proces më të hapur dhe të besueshëm.

“Patjetër se i dëmton dhe ndikon në ekonomi, inflacion, sepse rritja e energjisë është direkt e lidhur me kostot e produkteve…Pse po shtrenjtohet, a është e drejtë apo jo, cilat janë kostot? Për neve është e qartë se kostot e energjisë është e paqartë, nuk e dimë çka bënë KEDS, ZRRE, raportet mes tyre që gjithmonë kanë qenë të dyshimta, sepse në Kosovë ka ndodhë interferimi në institucione përmes kompanive dhe sa të sinqertë, sa e kanë kalkuluar dhe sa është e vërtetë rritja e çmimeve. Mendoj se qeveria duhet të ndërhyjë shpejtë, të bëjë një komision auditimi dhe të sqarohet a është e vërtetë apo jo, mos të “vajtojë” pastaj se paska qenë mashtrim. Nuk e besoj se është e analizuar deri në masën sa për qind kemi inflacion… Edhe ZRrE e cila ndikohet shumë prej kompanisë KEDS, nuk e dimë a është ZRrE e KEDS, a ZRrE e parlamentit, jam i dyshimtë tash sa mund të ketë të vërteta deklarata të ZRrE-së… Nuk është e bazuar në kalkulime të sakta profesionale (rritja)… Po ashtu s’është investuar, jo me standarde të EU-së”, thotë Malushaj.

Pronari i një kompanie në vend, Shaqir Palushi nuk përjashton mundësinë e rritjes së kostos së prodhimeve finale në rast se rritet çmimi i energjisë elektrike.

“Paralajmërimi nga ana e ZRrE-së për rritje të çmimit të energjisë elektrike për konsumatorët e amvisërive, por edhe të atyre komerciale, sigurisht se mund të ndikojë në rritjen e kostos së prodhimeve finale të kompanive prodhuese, por kjo varet edhe nga ajo se sa do të jetë rritja”, thotë Palushi.

Nga ana tjetër, kryetari i Dhomës së Tregtisë dhe Industrisë Kosovë, Skënder Krasniqi, nënvizon se bizneset e Kosovës po përballen me vështirësi të mëdha për shkak të rritjes së kostos së prodhimit, përfshirë energjinë dhe pagat e punëtorëve. Ai ka kërkuar që shteti të mbështesë prodhuesit dhe bizneset vendore, duke ofruar mundësi financiare që të mund të ofrojnë produkte më konkurruese në treg.

“Bizneset në përgjithësi janë duke u përballur me vështirësi të mëdha për shkak të rritjes së përgjithshme të kostos së prodhimit, qoftë çmimeve që janë aktuale edhe të energjisë dhe të tjerave, po ashtu edhe çmimet që po rriten me koston e rritjes së pagave të punëtorëve. Është edhe një nga problemet që kohëve të fundit është shfaq shumë dhe të cilat po krijojnë vështirësi që të dalin me kosto më të ulët në shitje, sidomos për bizneset prodhuese. Nuk janë duke pasur përkrahje të mjaftueshme nga shteti në mënyrë që të jenë më konkurrent në treg, duke marrë parasysh që kemi bërë disa marrëveshje ndërkombëtare… Prandaj, rritja e këtyre çmimeve do të dëmtojë biznesin dhe qytetarët sepse do të marrin produkte shumë më shtrenjtë, sepse do të rriten çmimet e prodhimit… Do duhej shteti të intervenojë, t’i përkrahë, sidomos prodhuesit dhe bizneset vendore. Shteti të mos japë para, por t’ju ju jep bono që me pas mundësi qytetari të blejë produkte vendore me kod, në mënyrë që të ketë mbështetjenë këtë mënyrë, sepse janë para që po shkojnë në blerjen e produkteve të huaja”, thotë Krasniqi.

Edhe njohësi tjetër i ekonomisë, Mustafë Kadrijaj shprehet se shtrenjtimi i mundshëm i energjisë elektrikë është goditje për bizneset dhe qytetarët.

“Shtrenjtimi i energjisë elektrike është ndër faktorët që do të ndikojë në të bërit biznes dhe në cilësinë e jetës së qytetarit. Qeveria duhet të reflektojë që të jetë në përkrahje të bizneseve dhe qytetarëve, sepse nëse vazhdohet me këtë trend do të ngulfatet çdo ditë e më shumë biznesi, por, njëherit do të bie cilësia e jetës së qytetarit dhe do të reflektojë në pakënaqësi”, thotë Kadrijaj.

Derisa të shqetësuar me këtë gjendje shprehen qytetarët. Qytetari, Selmon Bytyqi kundërshton rritjen e çmimit të energjisë dhe thotë se kjo do të ketë pasoja katastrofike për qytetarët, pasi shumë prej tyre nuk do të jenë në gjendje ta përballojnë këtë shtrenjtim.

“Çfarë të shtrenjtimi, a janë normal këta, qysh të shtrenjtojnë, duhet të lirojnë, jo të shtrenjtojnë. Sa janë pagat, pensionet, socialet? Edhe populli nuk është normal që nuk qohet në protesta e të ndalë shtrenjtimin…Diqysh duhet të nxehet njeri, normal se kthehen shporetet, e shumë sene mbrapa po na kthen. Kjo qeveri po na kthen prapa, duhet të lirojë rrymën se populli nuk ka mundësi”, thotë Bytyqi.

Edhe qytetari tjetër, Azem Azemi thotë se çdo shtrenjtim tjetër i rrymës është e “tepërt krahasuar me standardin që jetojmë”.

“Të shtrenjtohet nuk është mirë…Është e tepërt krahasim me standardin tonë”, thotë Azemi.

Nga ZRrE kanë thënë për KosovaPress se ky rregullator ka pranuar aplikacionet nga operatorët e licencuar, për përshtatjet e rregullta tarifore, sipas kërkesave ligjore në fuqi.

“Pas pranimit të këtyre aplikacioneve, ZRRE-ja ka filluar procesin e analizimit të tyre. Ky proces përfshin vlerësimin e detajuar të kërkesave dhe dokumentacionit të dorëzuar nga operatorët, në përputhje me kërkesat ligjore në fuqi. Ju informojmë se ZRRE-ja, pas vlerësimit të detajuar të kërkesave të paraqitura në aplikacionet e operatorëve të licencuar, do të bëjë vlerësimin preliminar të këtyre kërkesave. Ky vlerësim do të publikohet nga ZRRE-ja. Pas publikimit të vlerësimit preliminar, palët e interesit kanë mundësinë të ofrojnë komentet dhe vërejtjet e tyre ndaj këtij vlerësimi”, thonë nga ZRrE.

Sipas ZRrE, ky proces pritet që të përfundojë deri ne fund të muajit mars 2025.

Kujtojmë se nga prilli i vitit 2023, deri më 31 mars 2024 konsumatorët që shpenzojnë më pak se 800 kilovat në orë brenda një muaji, çmimi i rrymës gjatë ditës ishte ngritur në 7.79 centë për kilovat, ndërsa për ata që shpenzojnë më shumë se 800 kilovatë, çmimi ishte bërë prej 14.45 centësh, ose mbi 100 për qind më shtrenjt krahasuar me vitin 2013.

Ndërkohë më 2 prill 2024, Bordi i Zyrës së Rregullatorit të Energjisë (ZRrE) kishte marrë vendim për lirim simbolik të çmimit prej 8 për qind për konsumatorët familjarë që shpenzojnë mbi 800 kilovatë në orë si dhe për konsumatorët komercialë dhe industrialë për 3 për qind. Ky vendim erdhi si rrjedhojë uljes së çmimit të rrymës për import.

Sipas ZRrE-së, pas këtij vendimi, tarifat për konsumatorët familjarë që shpenzojnë mbi 800 kilovatë, që nënkupton se nga 14.45 centë për kilovat, ata do të paguajnë 13.29 centë për tarifën e ditës, dhe nga 6.81 centë në 6.26 centë për tarifën e natës.

Sipas raportit vjetor të ZRrE-së, më 2023 për kategorinë e konsumatorëve familjar çmimi mesatar i energjisë elektrike është 7.12 centë për kilovat, që është më i lartë për 15.93 për qind se në vitin 2022 kur ka qenë 6.14 centë për kilovat, ndërsa për konsumatorët jo-familjar çmimi mesatar i energjisë është 9.36 centë kilovat që është më i lartë se çmimi mesatar në vitin 2022 kur ka qenë 9.27 centë për kilovat.

Dhjetë vjet më herët, në vitin 2013, çmimi mestar i rrymës për familjar ishte 5.15 centë për kilovat, ndërsa, 7.21 centë për ata jo-familjarë.

Ndërsa, sipas rregullatorit të energjisë, çmimet mesatare të energjisë elektrike për konsumatorët familjar dhe jo-familjar për dhjetë vitet e fundit, çmimet nuk përfshijnë TVSH-në.

Tarifa e natës, më e lirë, vlen në orarin 22:00 deri në 07:00 të mëngjesit. /KP

Propozohet uniforma e veteranit të UÇK-së

Posted on by erezzaademi

Ish-eprori i Brigadës 111 ‘Adem Jashari’, Ferid Berisha, i njohur me nofkë ‘Shkupi’, është ideatori, i cili për herë të parë dha idenë e dizajnit të një uniforme të veteranit të UÇK-së.

“E kam ndje vetën shumë keq kur kam shku në varrime të shokëve të mi pa uniformë. Fatkeqësisht shumica e veteranëve dhe luftëtarëve të cilët kanë qenë në luftën e Kosovës, disa prej tyre i kanë ruajtur uniformat e luftës, por shumica edhe nuk i kanë” – thotë Berisha. 

Për idenë e një uniforme të unifikuar e ceremoniale të veteranëve, Berisha thotë se është konsultuar me ish-pjesëtarë të brigadës së tij dhe se të gjithë janë pajtuar që të kenë një uniformë të tillë.

Ndërsa, gjatë punës me këtë projekt, Berisha thotë se ka lindur nevoja edhe për krijimin e një fondacioni, të cilin e quajtën “Don’t Forget” që në shqip do të thotë “Mos të harrojmë”.

“Ai fondacion është krijuar me qëllimin e kazermës, mirëpo tani mendimet janë zgjeruar edhe më tej që të bëjmë projekte në të mirën e historisë së lavdishme të UÇK-së dhe historisë kombëtare”- rrëfen Berisha.

Kjo uniformë, më 5 shkurt 2025, u testua për herë të parë në ‘Lutjet e Mëngjesit në Uashington nga Kryetari i shqiptarëve veteranë në Kroaci, Esat Qollaku dhe ish-eprori Ferid Berisha.

Miratimin më të mdh për këtë hap të tyre, thonë se e morën në Uashington, për çka thonë se nisma e tyre u përkrahë nga figura të rëndësishme dhe luftëtarë të tjerë të huaj.

Pas kësaj, ata dërguan kërkesën për zyrtarizimin e kësaj uniforme, pas diskutimeve për krijimin e rregullores për bartjen e saj.

Pasi u ftuan si veteranë të UÇK-së, ata kërkuan që të merrnin pjesë në këtë ceremoni me uniformën tashmë të re të UÇK-së.

Kjo kërkesë e tyre ishte aprovuar.

“Ajo që neve na ka identifikuar të gjithëve ka qenë emblema e Ushtrisë Çlirimtare të Kosovës dhe natyrisht me atë emblemë ne tani duhet ta evidentojmë si pasardhës, që si veteranë të Ushtrisë Çlirimtare të Kosovës, ta kemi një uniformë të unifikuar”- thotë Qollaku.

Ndërkaq, simbolikat e emblemave që janë të paraqitur në veshje janë emblema e UÇK-së, shenja e Brigadës ku ata ishin pjesë e saj dhe poashtu emblemën e shtetit të Kosovës.

Ish-ushtari britanez dhe gazetari, i cili  xhiroi betejën e Jasharëve më 06 mars 1999,Vaughan Smith thotë se kjo uniformë duket dinjitoze dhe e dobishme për shoqërinë.

“Mendoj se duket e pjekur, duket dinjitoze, nuk mund ta ngatërroni me uniformën që do të vishte dikush që shërben sot, kështu që duket ndryshe dhe duket dinjitoze”- thotë Smith.

Ideatori i saj, Ferid Berisha thotë se uniforma tashmë do të jetë e gatshme të blihet edhe nga qytetarë, ndërsa thotë se janë duke punuar për krijimin e një rregulloreje se kur dhe si duhet të bartet ajo./KALLXO

Dita Ndërkombëtare e Gruas: Mijëra njerëz protestuan në Cyrih dhe Bernë

Posted on by erezzaademi

Sot pasdite, mijëra njerëz u mblodhën në qendër të Cyrihut për një demonstratë të paautorizuar për të shënuar Ditën Ndërkombëtare të Gruas.

Disa qindra njerëz dolën në rrugë edhe në Bernë.

Grupe nga mjedisi autonom i krahut të majtë kishin bërë thirrje për demonstrata.

Policia e qytetit të Cyrihut fillimisht lejoi që demonstrata të zhvillohej në Paradeplatz të qytetit në Limmat, por theksoi se kjo normalisht nuk lejohet. Ata dislokuan një kontigjent të madh dhe bllokuan rrugët anësore. Njoftimet thanë se demonstrata do të tolerohej nëse do të ishte paqësore.

Më pas, sipas agjencisë së lajmeve Keystone-SDA, pati dëmtime në pronë: demonstruesit hodhën shishe të mbushura me bojë në konsullatën italiane. Më pas policia u përgjigj me sprej piper. Disa pjesëmarrës më pas u gjendën përballë oficerëve të policisë me uniformë, transmeton albinfo.ch.

Ndërsa tubimi vazhdoi, demonstruesit e maskuar hodhën gurë dhe shishe në ndërtesa të tjera, duke përfshirë selinë e Axa-s dhe kompaninë e sigurimeve shëndetësore Sanitas. Ata gjithashtu pikturuan grafite të shumta dhe ndezën fishekzjarre.

Marshimi demonstrues u drejtua nga Paradeplatz përmes qendrës së qytetit nëpërmjet Langstrasse në Helvetiaplatz. Policia vendosi një top uji dhe bllokoi hyrjen në Europaallee dhe Bahnhofstrasse.

Demonstruesit, kryesisht gra, tërhoqën vëmendjen për luftën ndërkombëtare, duke përfshirë atë të grave kurde dhe atë të grave në Iran.

Nëntë linja të tramvajit në qendër të qytetit janë ndërprerë pasdite. Transporti publik u devijua në një zonë të madhe.

Tubimi në Bernë “kundër zhvendosjes”

Me rastin e Ditës Ndërkombëtare të Gruas, qindra njerëz dolën edhe nëpër rrugët e Bernës. Ata demonstruan kundër “prirjeve të krahut të djathtë nacionalist, anti-queer, anti-feminist në politikën botërore”.

Rruga që çonte nga Bubenbergplatz afër Hirshengraben drejt perëndimit, siç vërejti një reporter nga agjencia e lajmeve Keystone-SDA. Në të njëjtën kohë në qendër të qytetit po zhvillohej një paradë karnavalesh. Policia shoqëroi demonstratën, por fillimisht qëndroi në prapavijë. Megjithatë, ka pasur ndërhyrje të izoluara.

Ftesë për debat të hapur me kandidatët shqiptarë të zgjedhjeve në Gjenevë

Posted on by albinfo.ch
Si rrjedhojë e kërkesave të shumë qytetarëve shqiptarë në kantonin e Gjenevës për të njohur më për së afërmi kandidatët zviceranë me origjinë shqiptare që këtë vit garojnë në zgjedhjet lokale që do të mbahen më 23 mars, organizojmë një debat të hapur publik.

Për t’iu përgjegjur po ashtu edhe dëshirës së kandidatëve që prezantohen në formacione të ndryshme politike të kantonit, e që kanë nevojë për mbështetjen e komunitetit shqiptar të cilit ata i takojnë, është obligim yni qytetar që të jemi aty ku dhe kur të rinjtë tanë kanë nevojë për ne.

Të gjithë këta kandidatë që denjësisht angazhohen në shoqërinë shumëkulturore të Gjenevës që të sjellin edhe ndryshime të reja politike duke qenë njohësit më të mirë të nevojave të shqiptarëve, janë vlerë e shtuar e kulturës dhe origjinës sonë.

Andaj, me qëllim të njohjes së ndërsjellë dhe për t’iu mundësuar atyre shpalosjen më për së afërmi të projekteve të tyre, për t’i dëgjuar e për të mësuar më shumë rreth synimeve politike që ata kanë, organizojmë një Debat të hapur, jo vetëm për shqiptarët e Gjenevës por edhe për të gjithë qytetarët e tjerë zviceranë që duan t’i njohin e t’i mbështesin kandidatët me origjinë shqiptare.

Takimi mbahet të shtunën me 15 mars në këtë adresë:
Swiss UMEF, 187 Route d’Aïre
1219 Aïre – Genève, Suisse.
Pritja: nga ora 18:30
Fillimi i debatit: në orën 19:00

Për informata më të hollësishme rreth kësaj ngjarjeje, ju mundeni të na shkruani një sms në 079 607 46 74 dhe ne iu kontaktojmë.
Mirëseardhjen ju uron, organizatorja e takimit,  Mirishahe Limani Hiler.

Komuniteti Musliman Shqiptar në Zvicër, iftar me përfaqësues diplomatikë dhe personalitete të diasporës

Posted on by albinfo.ch

Të premten mbrëma, më 7 mars 2024, Komuniteti Mysliman Shqiptar në Zvicër (KMSHZ) në bashkëpunim me «Rrjetin e Miqësisë» ka shtruar iftar tradicional, në të cilin ishin të ftuar personalitete të shquara të jetës publike, drejtues të organizatave islame më të rëndësishme, publicistë, biznesmenë, filantropë, imamë dhe drejtues të xhamive shqiptare.

Në mesin e pjesëmarrësve ishin kryetari i KMSHZ-së, Hafiz Mehas Alija, diplomatët shqiptarë në Zvicër: Ambasadori i Republikës së Kosovës, Mentor Latifi, Ambasadori i Maqedonisë, Rexhep Demiri, Valon Gashi, Sekretari i Parë në Ambasadën e Shqiperisë dhe Vigan Berisha, Konsull i Republikës së Kosovës në Cyrih. Më tutje, në mesin e üpjesëmarrësve ishin edhe kryetari i Rrjetit të Miqësisë, Meti Krasniqi dhe mysafirë të tjerë nga Kosova, Maqedonia e Veriut dhe Lugina e Preshevës.

Diplomatët, Ambasadori i Kosovës, Mentor Latifi dhe ai i Maqedonisë Rexhep Demiri, përcollën urimet e tyre për muajin e shenjtë të Ramazanit, duke theksuar rëndësinë e solidaritetit, unitetit dhe vlerave shpirtërore gjatë kësaj periudhe të veçantë. Kryetari i Rrjetit të Miqësisë, z. Meti Krasniqi, theksoi në fjalimin e tij rëndësinë e unitetit dhe bashkëpunimit në fusha të ndryshme, duke vënë theksin te e ardhmja e brezave të rinj shqiptarë dhe mirëqenia e komunitetit.

Ndërsa kryetari i Komuniteti Mysliman Shqiptar në Zvicër, Hafiz Mehas Alija, duke ju drejtuar të pranishmëve ka falënderuar shoqërinë zvicerane për sigurinë që ofron dhe për hapjen e saj në drejtim të dialogut ndërfetar. Po ashtu ai ka vënë theksin në rolin e xhamive shqiptare në vendet ku jeton komuniteti shqiptar për ruajtjen e identitetit kombëtar e fetar.

“Jemi me fat që jetojmë në një shoqëri dhe mjedis siç është  Zvicra, ku ka mbështetje, motivim dhe nxitje për dialog ndërfetar, ndërkulturor dhe ndërcivilizues. Jetojmë në shtetin më të sigurt në botë, andaj dhe rrugët për një bashkëjetesë më të mirë i kemi më të sigurta”.

“Xhamitë këtu në mërgatë janë kështjellat ku ruhen reliktet dhe inxhitë më të çmuara të fesë dhe të kombit tonë. Ato sot janë qendrat e jetës fetare islame dhe të asaj shqiptare. Në to sot i gjen të gjitha profilet e shoqërisë sonë, burra e gra, të rinj e të reja.

Nga ana tjetër, gjuha shqipe është një nga pasuritë më të mëdha që kemi. Ajo është jo vetëm mjet komunikimi, por edhe simbol i unitetit dhe dashurisë për atdheun tonë. Ajo na lidh me historinë, me traditat dhe me njëri-tjetrin, pavarësisht se ku ndodhemi në botë.

Dua të apeloj fortë: Le të bëjmë përpjekje të përbashkëta për ruajtjen e gjuhës, sepse duke e ruajtur atë, ne do ta ruajmë indentitetin tonë. Gjuha na lidh me historinë, me traditat dhe më njëri-tjetrin, pavarësisht se ku jetojmë e veprojmë nëpër botë”, ka thënë veç tjerash Hafiz Mehas Alija.

Meqenëse iftari këtë vit përkonte me 7 Marsin, Ditën e Mësuesit, organizatorët kishin paraparë edhe një bashkëbisedim me temën “Mërgata dhe mësimi shqip”. Ky aktivitet u mbajt në Xhaminë e Re në Winterthur, e cila sapo ka hapur dyert për besimtarët. Të pranishmit shprehën mesazhe të rëndësishme mbi rolin e diasporës në ruajtjen e gjuhës dhe kulturës shqipe, duke theksuar rëndësinë e edukimit në gjuhën amtare për brezat e rinj që jetojnë jashtë vendit.

Diskutimi nxori në pah sfidat dhe mundësitë për forcimin e arsimit shqip në mërgatë, si dhe nevojën për bashkëpunim mes institucioneve fetare dhe arsimore, në këtë rast me shkollat shqipe në Zvicër.

Lëvizja Vetëvendosje kërkon përsëritjen e procesit të votimit me postë

Posted on by erezzaademi

Lëvizja Vetëvendosje, përmes një ankese drejtuar Panelit Zgjedhor për Ankesa dhe Parashtresa (PZAP), ka kërkuar anulimin e votimit me postë për zgjedhjet e 9 shkurtit dhe përsëritjen e këtij procesi.

Sekretari i këtij subjekti, Alim Rama, ka deklaruar se procesi i votimit me postë është dëmtuar.

“Po presim që PZAP-ja të vendosë për anulimin e votimit me postë dhe të kërkojë përsëritjen e procesit”, ka thënë Rama për Kohën.

LVV-ja po pretendon për manipulime të votave me postë nga Lidhja Demokratike (LDK). Gjithashtu, partia fituese e zgjedhjeve pati kërkuar të rishikohen disa fletëvotime me postë që janë shpallur të pavlefshme – diçka për të cilën Komisioni Qendror i Zgjedhjeve votoi kundër, transmeton albinfo.ch.

Ndërkaq, sot Komisioni Qendror i Zgjedhjeve përmes një njoftimi ka bërë të ditur se po pret që të shqyrtohen ankesat e LVV-së e më pas të shpallen rezultatet përfundimtare.

Dita ndërkombëtare e gruas, Google feston me një Doodle për kontributin e femrave në teknologji

Posted on by Drin Reçica

Google ka festuar Ditën Ndërkombëtare të Gruas me një Doodle. Kombet e Bashkuara e njohën për herë të parë këtë festë në vitin 1975, për të nënvizuar rëndësinë e kontributit të grave në mbarë botën.

“Me Doodle-n tonë, ne nderojmë gratë vizionare,” shkruan Google. Vepra artistike e Doodle-it thekson kontributet novatore të grave që kanë revolucionarizuar eksplorimin e hapësirës, kanë bërë zbulime dhe kanë nisur kërkime laboratorike që kanë ndikuar rrënjësisht në kuptimin tonë për fizikën, kiminë dhe biologjinë. Këto arritje përfaqësojnë vetëm një pjesë të vogël të kontributit të grave në shkencë.

Puna e tyre simbolizon progresin e vazhdueshëm drejt barazisë gjinore. Megjithatë, STEM mbetet një nga fushat ku ende ekzistojnë boshllëqe të rëndësishme. Aktualisht, gratë përbëjnë vetëm 29% të fuqisë punëtore globale në STEM, por ky numër rritet çdo vit.

Dita Ndërkombëtare e Gruas shërben si një kujtesë e fuqishme se arritjet e grave kanë formësuar botën tonë përgjatë historisë. Falë shkëlqimit të tyre kolektiv, ne jemi në gjendje të përjetojmë mrekullitë e botës moderne.

Deputeti gjerman jep lajmin e mirë: Këto janë planet e qeverisë së re gjermane për ta integruar Kosovën në BE

Posted on by Drin Reçica

Gjermani para pak ditësh ka mbajtur zgjedhjet e reja parlamentare. Në këto zgjedhje ka fituar subjekti i CDU me kancelarin e ri, Friedrich Merz.

Pjesë e bundestagut gjerman do të jetë sërish edhe deputeti Knut Abraham. Ai ka treguar mbështetjen që qeveria e re gjermane do ta jap për Kosovën.

Madje, ai ka thënë se Gjermania është shumë e interesuar ta ndihmojë Kosovë drejt integrimit evropian, dhe se këtë qëllim e kanë orientuar në dy hapa.

Sa i përket qeverisë së re në Kosovë, deputeti Abraham ka thënë se është ҫështje politike e brendshme, por që Kosovës i uron një qeveri të qëndrueshme për sfidat që e presin.

U kidnapuan për një shpërblim 1 milion franga, shpëtohen dy qenushë nga policia zvicerane

Posted on by Drin Reçica

Së fundmi, policia zvicerane ka zgjidhur një rast kidnapimi që përfshinte dy qen dhe një kërkesë për shpërblim prej 1 milionë frangash, përcjell albinfo.ch.

Policia ka thënë se dy qentë ishin vjedhur nga shtëpia e një 59-vjeçari në Schlieren afër Cyrihut javën e kaluar, kur pronari i tyre nuk ishte aty.

Kur burri u kthye, qentë s’ishin dhe gjeti një letër me kërkesën për para nëse donte t’i liroheshin qentë, shkroi AP.

Në vend se të paguante, burri thirri policinë.

Policët arrestuan një norvegjez 30 vjeç në Aeroportin e Cyrihut, pasi thanë se ai besohet të ketë qenë i përfshirë në vjedhje.

Gjatë hetimit dhe bashkëpunimit evropian, policia në Poloni më pas arrestoi një 38-vjeçar dhe zbuloi qentë e kidnapuar të cilët ia kthyen pronarit.