Lajme
Çmimet e ushqimit nëpër botë, më të lartat në 10 vjetët e fundit
Alarmimi rreth rritjes së çmimeve vjen nga Agjencia e Ushqimit të Kombeve të Bashkuara, FAO
Çmimet botërore të ushqimit janë rritur për të tretin muaj radhazi në tetor, duke prekur nivelin më të lartë në 10 vjet, nxitur përsëri nga rritja e drithërave dhe vajrave, sipas agjencisë së ushqimit të Kombeve të Bashkuara, FAO.
Në një njoftim për media FAO njofton se, indeksi i çmimeve të ushqimit i Organizatës së Ushqimit dhe Bujqësisë, që ndjek çmimet ndërkombëtare të lëndëve të para ushqimore më të tregtuara në botë, arriti në një mesatare prej 133.2 pikë në muajin e kaluar, krahasuar me një rishikim prej 129.2 për shtatorin. Treguesi për tetorin ishte më i lartë që prej korrikut 2011.
Me bazë vjetore, indeksi që mat çmimet botërore të ushqimit, u rrit me 31.3 % në tetor. Çmimet e lëndëve të para bujqësore janë rritur shpejtë nxitur nga problemet me të korrat dhe kërkesa e fortë. Indeksi i drithërave i Organizatës u rrit me 3.2 % në tetor nga muaji i kaluar, nxitur nga një rritje me 5 % e çmimit të grurit, që është rritur për të 5-tin muaj radhazi.
“Disponueshmëria më e ulët në tregjet botërorë për shkak të të korrave më të vogla në eksportuesit kryesorë, veçanërisht në Kanada, Rusi dhe Shtetet e Bashkuara, kanë vazhduar të shkaktojnë presione tek çmimet”, deklaroi FAO në lidhje me grurin.
Sipas njoftimit të FAO-s, çmimet botërore të vajrave vegjetalë u rritën me 9.6 % gjatë muajit, në një rekord të lartë, nxitur nga fuqizimi i mëtejshëm i vajit të palmës, ndërkohë që mungesa e punëtorëve në Malajzi, ka vazhduar të cenojë prodhimin. Në kontrast, çmimi botëror i sheqerit u zbut me 1.8 % në tetor, duke përfunduar rritjen për 6 muaj me radhë.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi në ...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?