Çmimet e ushqimeve, më të lartat në 50 vjetët e fundit

Rritja më e madhe është shënuar ne produktin e mishit me 16% dhe produktet e qumështit me 14%

Instituti statistikor i Holandës (CBS) njoftoi se çmimet e ushqimeve janë rritur me 11% në qershor, shkalla më e lartë e çmimeve të ushqimeve që nga viti 1976.

CBS publikoi të dhënat më të fundit për muajin qershor.

Sipas të dhënave, çmimet e ushqimeve, të cilat në qershor u rritën me 11% krahasuar me të njëjtin muaj të vitit 2021, arritën nivelin më të lartë në 50 vjetët e fundit.

Në një njoftim për shtyp thuhet se rritja më e madhe është shënuar në produktin e mishit, me 16% dhe produktet e qumështit me 14%.

Gjithashtu, theksohet se prodhuesit e ushqimeve kanë rritur çmimet me gjithsej 23% që nga viti i kaluar.

Çmimet e ushqimeve në Holandë janë rritur ndjeshëm që nga fillimi i luftës Rusi-Ukrainë.

 

---