Celina, krenar që luan për Kosovën

“Është vërtetë shumë mirë dhe jam shumë i lumtur për vendin tim që tani kemi përfaqësuesen”, u shpreh Celina

Njëri nga futbollistët më të mirë të Përfaqësueses së Kosovës padyshim është Bersant Celina. Në një intervistë të gjatë për “M.E.N Sport”, ai ka folur për ekipin e Kosovës, vendlindjen e tij, Manchester Cityn, Twenten dhe Pep Guardiolan, përcjell albinfo.ch.

Bersanti është i lindur në Prizren më 1996, familja e të cilit kishte udhëtuar 1,751 milje për në Drammen të Norvegjisë në prag të luftës së Kosovës.

“Ishte shumë e vështirë. Nuk dua të hyj në detaje, por ishte shumë e vështirë. Jam shumë i lumtur që mund të bëjë gjëra të mira, dhe provoj të ndihmoj veten dhe familjen time. Familja është gjithmonë më e rëndësishmja dhe gjithmonë do të jetë më e rëndësishmja në jetën time. Është e mrekullueshme të kem mbështetjen dhe përkujdesjen e tyre siç kanë bërë gjithmonë”, ka thënë Celina.

Ai refuzoi Norvegjinë, duke pranuar të luajë për Përfaqësuesen e Kosovës. “Kjo i bën ata shumë krenarë dhe vendi e do shumë futbollin. Është vërtetë shumë mirë dhe jam shumë i lumtur për vendin tim që tani kemi përfaqësuesen”, deklaroi sulmuesi nga Kosova.

Ai ka shtuar se dëshiron të dëshmojë vlerat në Twente, kurse sigurisht se pret që përsëri të kthehet në Manchester City nën urdhrat e Pep Guardiolas.