Britania e Madhe do të dërgojë raketë në hapësirë përmes një avioni të zakonshëm

KEYSTONE

Britania po përgatitet për lëshimin e parë të një rakete hapësinore në territorin e saj. Nëse gjërat shkojnë sipas planeve, satelitë të shumtë do të dërgohen në hapësirë nga stacioni i Kornuollit.

Misioni “Start Me Up” është emërtuar kështu sipas këngës së vitit 1981 të grupit Rolling Stones. Raketa do të lëshohet në ajër përmes një Boeingu 747 të modifikuar, i cili fillimisht do të fluturojë në mënyrë horizontale.

“E bukura e lëshimit horizontal është se mund të përdorim edhe një aeroport. Nuk na duhet të ndërtojmë një platformë nisjeje në ndonjë lokalitet të largët. Aeroporti që kemi zgjedhur është ai i duhuri si pas uljen edhe për nisjen e avionit, që këtë herë ka një raketë në një nga krahët e tij”, tha Melisa Thorpe, shefe e stacionit të Kornuollit.

Misioni historik pritet të nisë në 10 e 16 të mbrëmjes, me orën britanike, dhe të dhënat do të pasqyrohen vazhdimisht në ditët në vazhdim.

Rreth një orë nga nisja e fluturimit, raketa do të lëshohet 35 mijë këmbë mbi oqeanin Atlantik, në jug të Irlandës.

Më pas avioni do të kthehet në stacion, ndërsa raketa do të ndezë motorin e saj dhe do të transportojë për në orbitë satelitët e vegjël, të pajisur me aplikacione për qëllime civile dhe mbrojtëse./Reuters