Britani: Policia i bëri surprizë të veçantë për ditëlindje djaloshit 4-vjeçar

Policia britanike ka bërë një gjest shumë të veçantë ndaj një vogëlushi shqiptar, i cili e kishte ditëlindjen e katërt.

Daniel Bala mbushte katër vjeç dhe babai i tij i kishte bërë një ftesë Policisë që të kalonte përpara shtëpisë së tyre dhe t’i bënin një surprizë djalit të tij që i ka shumë qejf policët.

Kështu ata i sollën dhe dhurata të voglit dhe fotot i postuan edhe në faqen e Policisë.

“Ky djalë i vogël pati një vizitë nga ne sot, dëgjuam se ishte ditëlindja e tij e 4-t dhe se ai e do Policinë, kështu që ne u thirrëm për ta befasuar. Gëzuar Ditëlindjen, Daniel, nga të gjithë në #NorthArea #BirthdaySuprises #BirthdayBoy”, shkruhet në faqen e Policisë, përcjell Albinfo.ch.