Bota
Brenda javës 10 persona humbin jetën në Everest
Zyrtarët nepalezë thanë se disa alpinistë ishin bllokuar në mal dhe se kjo çonte në tejlodhje, dehidratim dhe, në rastet më të këqija, edhe vdekje
Vdekja e një alpinisti irlandez dhe një britaniku në malin Everest e kanë çuar numrin e viktimave në majën më të lartë të botës në dhjetë vetëm brenda një jave.
Organizatorët e ekspeditave thanë se, alpinisti britanik Robin Fisher, 44-vjeçar, arriti majën mëngjesin e së shtunës, por pësoi një kolaps kur kishte bërë vetëm 150 metra në kthim.
Ndërsa shtetasi irlandez, Kevin Hynes, 56 vjeç, ishte ndarë nga jeta të premten, në anën veriore tibetiane të malit, gjatë zbritjes.
Ai ishte kthyer para se të arrinte majën e malit dhe kishte vdekur në tendën e tij në lartësinë e 7.000 metrave, transmeton “TCH”.
E gjithë kjo ndodh gjatë një sezoni që ishte i shënjuar nga moti i keq dhe nga mbipopullimi në majë, përcjell albinfo.ch.
Zyrtarët nepalezë thanë se disa alpinistë ishin bllokuar në mal dhe se kjo çonte në tejlodhje, dehidratim dhe, në rastet më të këqija, edhe vdekje.
Një foto mbresëlënëse që tregonte alpinistët që qëndronin në radhë për të arritur majën është postuar në mediet sociale, me një alpinist që ankohej për një trafik të rënduar me në total rreth 320 persona.
Nepali në fakt po përballet me kritika për shkak se ka lëshuar një rekord prej 381 lejesh për sezonin pranveror, këtë vit, me vlerë 11 mijë dollarë secila.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?