Integrimi
Blerine Halilaj, kandidate për asambliste në Melk të Austrisë
Blerine Halilaj është kandidate nga radhët e Partisë së Gjelbër me numrin 7, dhe fokusi i saj është në mbrojtjen e ambientit, mbrojtjen e kafshëve dhe kundër ngrohjes globale
Këtë të dielë, më 26 janar, do të mbahen zgjedhjet komunale në landin e Austrisë së Ulët (Niederösterreich). Shqiptarja, Blerine Halilaj është kandidate në komunën e Melk.
Blerina, 24-vjeçare, është e lindur në Melk, ndërsa me prejardhje është nga komuna e Drenasit.
Shkollimin fillor dhe të mesëm e ka përfunduar në Melk, pastaj ka vazhduar shkollimin e lartë në drejtimin social në St. Pölten. Blerina ka ndjekur po ashtu edhe shkollimin muzikor në Vjenë, në drejtimin e këndimit, por e ka ndërprerë. Ndërkohë aktualisht është duke përfunduar studimet në drejtimin social dhe në të njëjtën kohë ndihmon familjen e saj, e cila merret me gastronomi.
„Në jetën private merrem me muzikë dhe këndim, më pëlqen të jem në natyrë dhe më pëlqen puna e angazhimi me fëmijë. Kam dëshirë të lexoj sa më shumë dhe të kuptoj botën në të cilën jetojmë, problemet me të cilat jemi duke u përballur çdo ditë e më shumë“, tregon ajo për albinfo.ch.
Blerina rrjedh nga një familje e përndjekur politikisht në ish-Jugosllavi. Sot kjo familje, falë punës së zellshme dhe integrimit të suksesshëm gëzon një respekt të veçantë në shoqërinë e qytetit të Melkut. Kjo duket se ka qenë edhe arsyeja që ka shtyrë atë të futet në politikën austriake.
Blerine Halilaj është kandidate nga radhët e Partisë së Gjelbër me numrin 7, dhe fokusi i saj është në mbrojtjen e ambientit, mbrojtjen e kafshëve dhe kundër ngrohjes globale.
„Strategjia jonë kryesore është mbrojtja ambientit, integrimi i të huajve në shoqërinë austriake. Kemi takime të rregullta me qytetarë – votues të cilët përpiqemi t’i bindim me punën dhe programin tonë. Ne kemi njerëz të të gjitha shtresave, duke filluar prej më të shkolluarve deri te klasa punëtore, e gjithashtu edhe njerëz të të gjitha komuniteteve”, thotë ajo për albinfo.ch.
Blerina ka besim të plotë se komuniteti shqiptar që jeton në komunën e Melkut do ta përkrahë atë në këto zgjedhje. „Familja ime dhe unë kemi dhënë kontribut për komunitetin tonë dhe besoj që në të ardhmen unë do të jem zëri i tyre në të gjitha sferat ku kanë nevojë. Në kohën e sotme më tepër së kurrë kemi nevojë të jemi afër njëri- tjetrit“, nënvizon Blerina, duke kërkuar që më 26 janar shqiptarët të dalin dhe të votojnë për të.
Bashkatdhetarët nga komuna e Melkut të dielën, më 26 janar, duhet të dalin dhe të votojnë për Blerine Halilajn, sepse duke votuar për të, ata do të votojnë për njerëzit e tyre që premtojnë një të ardhme më të mirë, më të sigurt për ju dhe ambientin tuaj.
Të ngjashme
Të tjera nga Integrimi
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?