Blerim Xhemaili: Jam në formë si kurrë më parë

Një prej lojtarëve nga të cilët Shqipëria mund të ndëshkohet është edhe djaloshi nga Tetova. Ai është shumë i rrezikshëm nga distanca

Futbollisti shqiptar i kombëtares zvicerane, Blerim Xhemaili është duke kaluar në një formë të shkëlqyer futbollistike. Në dy ndeshjet e fundit ai ishte protagonist i dy golave, ndaj Belgjikës dhe të premten ndaj Moldavisë.

Më 11 qershor Xhemaili së bashku me grupin tjetër të shqiptarëve që përfaqësojnë Zvicrën do të përballen me kombëtaren shqiptare në kampionatin Evropian.

Një prej lojtarëve nga të cilët Shqipëria mund të ndëshkohet është edhe djaloshi nga Tetova. Ai është shumë i rrezikshëm nga distanca ndërsa në lojën e fundit ndaj Moldavisë tregoi klasin e tij duke shënuar një super gol eë kokë, njofton “albinfo.ch”.

Pas kësaj ndeshje, mesfushori i Gjenovës ka deklaruar: “Pas një sezoni të mirë, jam në formë si kurrë më parë”, ka thënë Blerimi për gazetën “Blick.ch”, përcjell “albinfo.ch”.

Përveç Xhemailit, në ndeshjen kundër Moldavisë, për ti dhënë fitore Zvicrës u përkujdes shqiptari tjetër Admir Mehmedi.

Zvicra në kampionatin Evropian përfaqësohet nga gjashtë futbollistë shqiptarë.