Bie fitimi neto i Bankave në Kosovë

Kreditë e korporatave u rritën në 6.3% apo 1.41 miliardë euro, ndërsa kreditë për ekonomitë familjare u rritën 15.4% apo 770 milionë euro

Fitimi neto i Bankave të Kosovës në shtatë muajt e parë të vitit 2016 ka rënë për 11.2 % apo 46.7 milionë euro. Këto të dhëna janë publikuar edhe nga Banka Qendrore e Vendit, bën të ditur ‘seenews.com’.

Portofoli i kredisë në sektorin bankar në fund të muajit korrik qëndronte në 2.18 miliardë euro, kurse në qershor kjo shifër tregonte 2.17 miliardë euro.

Kreditë e korporatave u rritën në 6.3% apo 1.41 miliardë euro, ndërsa kreditë për ekonomitë familjare u rritën 15.4% apo 770 milionë euro. Kreditë në monedhë tjetër, veç euros arriti në 4.4 milionë euro, përcjell albinfo.ch.

Depozitat e klientëve në Bankat e Kosovës u zgjeruan me 3.6% në vit në 2.71 miliardë euro në qershor.

Depozitat e ekonomive familjare u rritën 4.6% apo 2 miliardë euro, ndërsa depozitat e korporatave janë shtuar 5.3% në 574.3 milionë euro. Depozitat në valutë tjera arritën në 135.2 milionë euro.

Totali i aktiviteteve të sistemit bankar janë 3.5 miliardë euro deri në fund të korrikut, 4.7% më shumë se një vit më parë.

Të dhënat përfshijnë rezultatet financiare të dhjetë Bankat e Kosovës. Bankat më të mëdha të vendit në drejtim të pasurive janë Banka Kombëtare Tregtare, Banka Raiffeisen në Kosovë dhe ProCredit Bank.