Biden në Varshavë: Putin gaboi rëndë me Ukrainën

Biden ka theksuar se populli ukrainas është shumë guximtar.

Në prag të 1-vjetorit të luftës mes Rusisë dhe Ukrainës, presidenti i Shteteve të Bashkuara të Amerikës, Joe Biden ka mbajtur një fjalim në kryeqytetin e Polonisë, Varshavë

Ai ka thënë se gjatë takimit të djeshëm në Kiev me presidentin ukrainas, Volodymyr Zelenky, ka shprehur mbështetjen e  vazhdueshme të SHBA-së për Ukrainën, raporton Euronews, përcjell Albinfo.ch.

Sipas tij, presidenti rus, Vladimir Putin gaboi rëndë me pushtimin e Ukrainës dhe shtoi se populli ukrainas është shumë guximtar.

“Ditën e djeshme, pata nderin të qëndroja përkhrah presidentit Zelensky, të cilit i bëra të qartë se do të vazhdojmë të qëndrojmë pranë Ukrainës pavarësisht gjithçkaje. Presidenti Putin gaboi, populli i Ukrainës është shumë guximtar. Gjithashtu, mbështetja perëndimore ishte shumë e fortë.

Ai mendoi se NATO ishte i fragmentarizuar, por NATO ishte më i bashkuar se kurrë më parë. Ai mendoi të kthente në armë energjinë, por ne qëndruam bashkë dhe i bëmë ballë.”, theksoi Biden./Albinfo.ch/

---