Biden kërkon punësimin e 100 mijë punonjësve shëndetësorë

Keystone (AP Photo/Matt Rourke)

Në një deklartë të fundit, presidenti i zgjedhur i SHBA-së, Joe Biden, tha se do të kërkojë nga Kongresi punësimin e 100 mijë punonjësve të tjerë shëndetësorë, në mënyrë që vaksinimi dhe lufta kundër COVID-19 të përfundojë më shpejt, përcjell albinfo.ch.

Biden njoftoi planet e tij për vaksinimin kundër COVID-19 dhe theksoi se dëshiron të rrisë numrin e punonjësve shëndetësorë në kuadër të luftës kundër pandemisë.

Po ashtu, ai tha se procesi i vaksinimit në SHBA deri më tani është “plotësisht një dështim”.

Biden vuri në dukje se do të kërkojë nga Kongresi punësimin e 100 mijë punonjësve të tjerë shëndetësorë, në mënyrë që vaksinimi të përfundojë më shpejt dhe që amerikanët të kenë më shumë qasje në vaksinë.

Pasi theksoi se vaksina do të jetë falas, Biden premtoi se brenda 100 ditëve të para të detyrës së tij do të vaksinohen 100 milionë amerikanë.