Beshiktashi kërkon Hykën

Jahmir Hyka është vënë në javët e fundit në shënjestrën e një ekipi prestigjioz, si Beshiktash që është thuajse në çdo sezon pjesëmarrës në grupet finaliste të kupave evropiane

Mesfushori i Kombëtares shqiptare, Jahmir Hyka kishte një stinor të mrekullueshëm në Superligën zvicerane dhe ka rënë në dy të disa skuadrave evropiane, shkruan ‘blick’.

Hyka është vënë në javët e fundit në shënjestrën e një ekipi prestigjioz, si Beshiktash që është thuajse në çdo sezon pjesëmarrës në grupet finaliste të kupave evropiane, përcjell albinfo.ch.

Loja që ka shfaqur Hyka në kampionatin helvetik me Luzernit ka impresionuar drejtuesit e klubit të Stambollit që përvijuan kontaktet zyrtare me ekipin zviceran. 28-vjeçari ka një kontratë që e lidh me skuadrën zvicerane edhe për gjashtë muaj të tjerë.

Përballë emergjencës për ta humbur me parametra zero në qershor, aksionarët e Lucernit po mendojnë që ta largojnë Hykën që në ditët e para të janarit drejt Stambollit.