Besart Berisha në ekipin e javës nga FIFA

Pas tregolëshit të fundit, Besart Berisha ka hyrë në ekipin e javës nga “EA Sports FIFA 17”

Sulmuesi prishtinas, Besart Berisha po shkëlqen në Kampionatin australian ndërkohë që po ndjek rekordin e golave në Australi.

Në ndeshjen e fundit shënoi tre gola për Melbourne Victory, në fitoren ndaj Sydney Wanderers, që përfundoi me rezultat 3:0, shkruan albinfo.ch.

Kjo i është shpërblyer sulmuesit shqiptar, i cili është përfshirë në ekipin më të mirë të javës nga “EA Sports FIFA 17”, ku përfshihen lojtarët më të mirë të fundjavës në të gjitha ligat botërore, krahas yjeve si Gonzalo Higuain e Jamie Vardy.

Berisha gjithashtu ka marr lejen nga FIFA për të luajtur për Kosovën dhe pritet të jetë i gatshëm në vitin e ardhshëm.