Besart Berisha, afër rekordit australian si shënues golash

Berisha arrin në kuotën e 86 golave të realizuar gjithsej në historinë e kampionatit australian, duke qenë vetëm pesë gola larg shndërrimit në golashënuesin më të mirë të të gjitha kohërave në kontinentin e largët

https://www.youtube.com/watch?v=eAtgPqVY5L8

Sulmuesi shqiptar, Besart Berisha, ka shënuar sërish gol në kampionatin australian. Në takimin e fundit ku Melbourne Victory u përballë në shtëpi me Perth Glorin, futbollisti kosovar barazoi shifrat në 1:1 në minutën e 41-të, duke siguruar një pikë për ekipin e tij që kishte kaluar në disavantazh në minutën e 17, shkruan albinfo.ch.

Pas këtij takimi, skuadra e tij e mban vendin e tretë në klasifikim me 14 pikë të grumbulluara në 8 ndeshje.

Me këtë gol, Berisha arrin në kuotën e 86 golave të realizuar gjithsej në historinë e kampionatit australian, duke qenë vetëm pesë gola larg shndërrimit në golashënuesin më të mirë të të gjitha kohërave në kontinentin e largët.

Rekordi aktualisht mbahet nga Arky Thompson me 90 gola, ndërkohë që Berisha renditet në vendin e tretë, pas Scheyn Shmeltz që ka shënuar 89. Sa i përket këtij sezoni, ky ishte goli i pestë i sulmuesit kosovar.