Berisha i dorëzoi Eliza Dushkut pasaportën shqiptare

Eliza Dushku pranon pasaportën biometrike dhe kartën e identitetit, pas kërkesës së saj për t’u pajisur me shtetësinë shqiptare

Aktorja e famshme me preardhje shqiptare, Eliza Dushku ka bashkuar kryeministrin shqiptar Berisha dhe presidentin Topin duke bërë që ata të “pajtohen” së paku për të ndarë dhuratën që i bënë aktores së njohur hollivudiane, raporton NOA.

Ndërsa Presidenti i Republikës së Shqipërisë i dha para pak ditësh shtetësinë shqiptare Elizës, një kompetencë kjo ekskluzive e tij, ishte kryeministri Berisha ai që i dorëzoi mbrëmë aktores, pasaportën biometrike që kishte kërkuar aktorja në një seri filmash kryesisht komercialë të tipit horror dhe thrillerKryeministri dha një pritje për aktoren e mirënjohur të Hollivudit, me origjinë shqiptare, Eliza Dushku, e cila po zhvillon në Shqipëri një vizitë disaditore, me qëllim realizimin e një dokumentari që do të promovojë në botë Shqipërinë.Berisha i dorëzoi Eliza Dushkut pasaportën biometrike dhe kartën e identitetit, pas kërkesës së saj për t’u pajisur me shtetësinë dhe dokumentet shqiptare të identifikimit. Ajo u shpreh se ndjehej krenare që tashmë zotëronte edhe pasaportën shqiptare.Më pas, biseda vazhdoi e ngrohtë rreth Shqipërisë, bukuritë e së cilës tërheqin çdo vit e më shumë vizitorë të huaj, zhvillimit të vendit dhe veçanërisht, turizmit.Dushku e njohu Kryeministrin me vizitat që ajo kishte zhvilluar në disa qytete të vendit, nga jugu në veri dhe impresionet e saj gjatë këtij udhëtimi, të cilin ajo e cilësoi mbresëlënës dhe që i mundësoi të njihej me natyrën, historinë, traditat, artin dhe kulturën shqiptare. Ajo shprehu entuziazmin që ndodhej në Shqipëri për një qëllim të tillë.Kurse Berisha shprehu kënaqësinë që aktorja e mirënjohur ishte pjesë e projektit për realizimin e dokumentarit që promovon Shqipërinë turistike, historinë, traditat dhe potencialet e saj.