Lajme
Kundërshtohet ideja për ndalimin e vizave për qytetarët rusë
Borrell tha se nuk është ide e mirë t’u ndalohet hyrja në BE të gjithë rusëve, duke sugjeruar që vendet e BE-së të aplikojnë një qasje më selektive

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, deklaron se nuk e mbështet idenë për ndalimin e vizave për qytetarët e Rusisë.
Këtë deklaratë ai e bëri para takimit që ministrat e jashtëm të vendeve të BE-së do ta mbajnë javën e ardhshme në Pragë.
Borrell tha se nuk është ide e mirë t’u ndalohet hyrja në BE të gjithë rusëve, duke sugjeruar që vendet e BE-së të aplikojnë një qasje më selektive, transmeton Euronews, përcjell Albinfo.ch.
Përveç kësaj, ai vuri në dukje se mbi 300,000 rusë u larguan nga vendi i tyre që nga fillimi i luftës në Ukrainë dhe tha se BE-ja nuk duhet t’i mbyllë dyert e saj për këta qytetarë.
Ai shtoi se BE-ja nuk kufizon lëvizjen e qytetarëve të pafajshëm.
“Oligarkëve, natyrisht, nuk duhet t’ua hapim derën. Këtyre rusëve duhet t’u bllokojmë hyrjen. Por ka shumë rusë që duan të ikin nga vendi, sepse nuk duan të jetojnë në këtë situatë”, tha Borrell.
Në mënyrë të ngjashme, kancelari gjerman, Olaf Scholz, ka thënë gjithashtu se vendosja e një ndalimi të hyrjes për rusët nuk është një ide e mirë.
Të tjera nga Lajme
E-Diaspora
-
Konflikt mes shqiptarëve në Itali, vritet me thikë 35-vjeçari Një konflikt mes shqiptarësh ka ndodhur në Itali, ku një ka humbur jetën dhe një tjetër...
-
Autoshkollë e re në Winterthur, flasin edhe shqip!
-
Kënga “Mora fjalë’ jehon në sheshin e Mynhen-it
-
Shqiptari nga Maqedonia, delegat i ri në UEFA
-
Gjermani: Spektakël nga Ansambli Kombëtar i Këngëve dhe i Valleve “Shota”
Jeta në Austri
-
Pas Zvicrës edhe Austria i reagon Gjermanisë për kontrollet kufitare Austria i bëri thirrje sot Gjermanisë të respektojë ligjet kufitare të BE-së, ndërsa policia gjermane ka...
-
Austri: Përfitimet e familjes dhe të fëmijëve të ngrira deri në vitin 2027
-
10 mitet e çiklizmit që nuk duhet t’i besoni në Austri
-
Pritësit e Airbnb në Vjenë përballen me rregulla më të ashpra dhe gjoba të larta
-
Qeveria austriake pezullon rritjen e ndihmave familjare për dy vitet e ardhshme