BDI-ja thotë se do ta mbështesë fushatën për referendumin

"Të gjithë deputetët e Grupit Parlamentar të BDI-së, me përkrahje edhe të pushtetit ekzekutiv dhe vendor si dhe shoqërisë civile do të zhvillojnë fushatë PRO Marrëveshjes së Prespës dhe integrimit euroatlantik"

Grupi Parlamentar i Bashkimit Demokratik për Integrim e ka informuar kreun e Kuvendit se do të marrë pjesë aktive me të gjithë deputetët në fushatën të cilën Kuvendi duhet ta zbatojë për referendumin e 30 shtatorit.

“Duke marrë parasysh përcaktimet tona individuale si deputet, por edhe ato partiake, strategjike dhe ideologjike, për integrim të menjëhershëm të vendit në Bashkimin Evropian dhe në NATO, të gjithë deputetët e Grupit Parlamentar të BDI-së, me përkrahje edhe të pushtetit ekzekutiv dhe vendor si dhe shoqërisë civile do të zhvillojnë fushatë PRO Marrëveshjes së Prespës dhe integrimit euroatlantik, pasi që suksesi i referendumit gjeneron paqe, stabilitet, siguri”, thuhet në njoftimin e BDI-së.