Banka Kombëtare e Zvicrës raporton humbje

Banka Kombëtare e Zvicrës (SNB) ka marrë një goditje prej 95.2 miliardë CHF (100 miliardë dollarë) për gjysmën e parë të këtij viti, kryesisht për shkak të humbjeve në pozicionet në valutë të huaj, përcjell albinfo.ch.

Pas një humbje prej 32.8 miliardë CHF në tremujorin e parë, 62.4 miliardë CHF u shtuan në tremujorin e dytë. Priteshin humbje të larta, por shifra është më e lartë nga sa kishin parashikuar ekonomistët.

Ndërsa pozicionet në valutë humbën 97.4 miliardë CHF, zotërimet e arit, të cilat mbetën të pandryshuara në terma volumorë, treguan një rritje të vlerësimit prej 2.4 miliardë CHF. Në pozicionet e frangave zvicerane, Banka Qendrore arriti një fitim të vogël prej 35.1 milionë CHF, shkruan swissinfo.ch.