Ayad: Për Kosovën, sfidë mbetet njohja e shtetësisë

Në prag të festimit të 10-vjetorit të Pavarësisë së Kosovës, Akademia Diplomatike e Ministrisë së Punëve të Jashtme ka organizuar Konferencë Ndërkombëtare njëditore me temën “Festimi i dhjetëvjetorit të Pavarësisë: Arritjet dhe aspiratat”, përcjell albinfo.ch.

Asistent i Presidentit në Këshillin për Tolerancë dhe Paqe, Nabil Ayad, tha se për Kosovën, 10 vjet pas Pavarësisë sfidë mbetet njohja e shtetësisë. Prandaj, sipas tij, diplomacia kosovare duhet të jetë më aktive, në mënyrë që Kosova të njihet edhe nga shtetet e tjera.

Zëvendësministrja, Rejhan Vuniqi, theksoi se institucionet e vendit po punojnë që të zhvillohen shumë fusha të qeverisjes së brendshme.

Ndërsa, zëvendësministri i FSK-së, Burim Ramadani, tha se Kosova nuk synon që të jetë ushtarakisht neutrale dhe se transformimi i FSK-së në Forca të armatosura,  duhet të shërbejë një hap më tutje, në rrugën drejt NATO-s.