Arrijnë kampionet

Ekipi i xhudos që mori pjesë në Kampionatin Evropian të xhudos është kthyer në Prishtinë, shkruan albinfo.ch.

Majlinda Kelmendi arriti të fitojë medaljen e artë, derisa Nora Gjakova të bronztën, kurse meritë të madhe për këto suksese ka edhe trajneri Driton Kuka. Kur Majlinda doli në podium u intonua himni i Kosovës, derisa flamuri valonte lart, e kjo ka bërë krenar çdo shqiptar.

Ajo arriti rreth orës 20:00 në aeroportin e Prishtinës dhe është pritur me nderime të larta, si nga kryeministri i Kosovës, Isa Mustafa, pastaj zyrtarë nga Ministria e Sportit dhe shumë qytetarë që kanë përgëzuar xhudistët kosovarë për suksesin e arritur në Kazan të Rusisë.