Anulohet takimi mes ministres Hajdari dhe Rrjetit të Bizneseve Shqiptare në Austri

Një takim i paralajmëruar të mbahet sonte në mbrëmje në Ambasaden e Kosovës në Vjenë, mes ministres Hajdari dhe Rrjetit të Bizneseve Shqiptare në Austri, është anuluar. Sipas njoftimit të Ambasadës së Kosovës, takimi është anuluar për arsye të agjendës së ngjeshur të ministres Hajdari, përcjell albinfo.ch.

Postimi i plotë:

Njoftim mbi anulimin e takimit të ministres së MINT, znj. Rozeta Hajdari, me Rrjetin e Bizneseve në Austri.

Të nderuar/a, me keqardhje ju njoftojmë që takimi i paraparë për sot më datë 8.2.2024, duke filluar në orën 18.00, anulohet për t’u ricaktuar në një të ardhme të afërt. Kjo për arsye të agjendës së ngjeshur të ministres Hajdari, e cila kërkon sinqerisht mirëkuptimin tuaj.

Për detajet e takimit të ardhshëm do t’ju njoftojmë me kohë.

Me nderime,

Jeton Maliqi – Ambasada e Republikës së Kosovës në Vjenë