Ambasadori i Zvicrës takohet me deputetët e Kuvendit të Kosovës

Ambasadori i Zvicrës në Kosovë, Thomas Kolly, sot ka takuar disa deputetë të Kuvendit të Kosovës, me të cilët kanë diskutuar mbi çështjen e liberalizimit të vizave dhe aplikimit të Kosovës për anëtarësim në Këshillin e Evropës.

Këtë e ka bërë të ditur deputetja Doarsa Kica Xhelili, përmes një postimi në rrjetin social Facebook.

“Sot takuam Ambasadorin e Konfederatës së Zvicrës në Kosovë, Z. Thomas Kolly.
Paevitueshëm u diskutua për çështjen e liberalizimit të vizave dhe aplikimit të Kosovës për anëtarësim në Këshillin e Evropës.
Lobimi që Kosova duhet ta bëjë për këto dy procese duhet të jetë jo vetëm intensiv, por njëkohësisht tejet i vëmendshëm karshi zhvillimeve gjeopolitike dhe pozicionimit të Kosovës në agjendën evropiane (dhe prioritetet).”