Kosova
Pritja e tifozëve anglezë në Kosovë ishte më e mira në botë
Ambasadori britanik, Nicholas Abbott, ka treguar përshtypjet e tij nga katër muajt e parë në Kosovë. Në mesin e ngjarjeve që ai ka veçuar është ndeshja mes Kosovës e Anglisë në “Fadil Vokrri”, kohën e kaluar me burrat e gratë e FSK-së dhe takimin e Konteshës së Wessex-it me të mbijetuarit e dhunës seksuale gjatë luftës, raporton Express
Përmes një postimi në llogarinë e tij në Facebook, Abbott ka thënë se vikendi kur është mbajtur ndeshja e futbollit në mes Kosovës dhe Anglisë në nëntor do të jetë përgjithmonë një kujtim i veçantë për të.
Abbott ka deklaruar se mikpritja e kosovarëve për tifozët anglezë ishte më e mira në botë, derisa ka shtuar se pavarësisht rezultatit, kjo ngjarje ka ripërtërirë afërsinë në mes Kosovës e Anglisë.
Ai ka falënderuar edhe për mikpritjen e ngrohtë që i është bërë familjes së tij.
“Vikendi kur është mbajtur ndeshja e futbollit në mes Kosovës dhe Anglisë në nëntor, do të jetë përgjithmonë një kujtim i veçantë për mua. Ngrohtësia e mikpritjes për tifozët anglezë ishte më e mira që ata kanë pranuar kudo në botë, dhe unë ende ndihem shumë i privilegjuar që kam pasur mundësinë ta përjetoj si ambasador britanik këtu. Pavarësisht rezultatit të lojës, kjo ngjarje ka ripërtërirë afërsinë në mes dy vendeve tona”, ka shkruar ai.
Ambasadori ka kujtuar edhe ndihmën e pjesëtarëve të Forcës së Sigurisë së Kosovës për të prekurit nga tërmeti në Shqipëri. Ka thënë se ata përfaqësojnë më të mirët e Kosovës.
“Ka qenë kënaqësi dhe privilegj të kaloj kohë me burrat dhe gratë e Forcës së Sigurisë së Kosovës gjatë muajve të kaluar. Ata përfaqësojnë më të mirët e Kosovës: profesionistë, të aftë dhe nga të gjitha komunitetet. Pjesëtarët e FSK-së kanë qenë ndër të parët që kanë ndihmuar ata në nevojë për shpëtim dhe asistencë pas tërmetit në Shqipëri muajin e kaluar. Aftësia dhe guximi i tyre është vlerësuar me të drejtë. Ne do të vazhdojmë të përkrahim FSK-në me asistencë dhe trajnime edhe në vitin 2020”, ka shkruar Abbott, shkruan GE, përcjell albinfo.ch.
Ai ka kujtuar edhe vizitën e Konteshës së Wessex-it në Kosovë dhe takimin e saj me të të mbijetuarit e dhunës seksuale.
“Në tetor LSM Sophie, Kontesha e Wessex ka vizituar Kosovën, ku u takua me të mbijetuarit e dhunës seksuale në konflikt, duke theksuar rëndësinë e kësaj çështjeje. Në javët e kaluara ne kemi dëgjuar për raste të dhimbshme të stigmatizimit që po vazhdon të ndikojë te viktimat e pafajshme, edhe brenda familjeve të tyre. Është koha që të gjithë ne ta ngremë zërin për të drejtat dhe dinjitetin e viktimave të këtyre krimeve të tmerrshme, t’u ofrojmë përkrahje, solidaritet dhe t’i pranojmë ata”, thuhet në postimin e tij.
Gjatë kësaj sezone festive do të dëshiroja të ndaja me ju disa mendime dhe përshtypje nga katër muajt e parë në Kosovë….
Publiée par Nicholas Abbott sur Mardi 31 décembre 2019
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?