Ambasada e Finlandës në Kosovë bën bashkë bizneset shqiptare të këtij shteti

Rrjeti i bizniseve Shqiptare në Finlandë

Rrjeti i bizneseve shqiptare (RrBSh) ishte e pranishëm në një event të organizuar nga Oda Ekonomike Nordike dhe Ambasada e Finlandës në Kosovë, i dedikuar bizneseve shqiptare në Finlandë.

Kryetari Rinor Hajdini dhe ekipi i RrBSh-së falënderojnë Business Finland, Ambasadën e Finlandës në Kosovë, Qeverinë finlandeze dhe të Kosovës, si dhe Odat ekonomike për ftesat.

“Këto evente ishin një mundësi e shkëlqyer për anëtarët tanë për të krijuar kontakte direkte me vendet e rajonit të Ballkanit dhe për të mësuar nga kompanitë udhëheqëse finlandeze, si dhe për të diskutuar potencialin e jashtëzakonshëm që ofron Evropa Juglindore për investime të huaja”, thuhet në njoftim.

Diskutimet treguan jo vetëm parashikimin e shkëlqyer të rritjes së PBB-së me afërsisht 3-4% në vit në rajonin e Ballkanit, por edhe thelbin e qëndrueshmërisë dhe inovacionit në strategjitë ekonomike të rajonit.

“Jemi mirënjohës për kontributet e folësve kryesorë, si Risto Vuohelainen, drejtori ekzekutiv i Business Finland, dhe Ville Tavio, ministri finlandez i Bashkëpunimit për Zhvillim dhe Tregti të Jashtme, të cilët ofruan perspektiva të ndritura mbi rritjen dhe zhvillimin në vendet ballkanike”, thuhet në njoftim.

RrBSh-ja gjithashtu pati mundësi të diskutojë me organet e ndryshme të Kosovës dhe të mësojë për mundësitë që shteti i Kosovës ofron.

“ Zef Dedaj, zëvendësdrejtori i përgjithshëm i KIESA-s (Agjencia për Investime dhe Përkrahjen e Ndërmarrjeve në Kosovë), na informoi rreth ofertave të KIESA-s dhe mënyrave se si agjencia mund të ndihmojë në investime në Kosovë dhe në bashkëpunime të tjera ndërkombëtare. Artan Duraku, Drejtori i Departamentit për Diplomaci Ekonomike në Ministrinë e Punëve të Brendshme të Kosovës, gjithashtu na informoi rreth sigurisë në Kosovë dhe zhvillimeve ekonomike në fokus të shtetit të Kosovës”, thuhet tutje.