Aktorja Theron nuk mburret me fëmijërinë e saj

Aktorja e Hollywoodit, Charlize Theron, ka rrëfyer disa detaje të jetës së saj si fëmijë. Ajo ka thënë se është rritur duke fshehur historinë e vrasjes së të atit nga nëna. 

Aktorja ka thënë se nuk mund të mburret me një fëmijëri të lumtur dhe të kujdesshme. Babai i saj pinte alkool, ishte i dhunshëm, dhe bashkëshortja e tij e vrau atë në vetëmbrojtje. “Atëherë bëhesha sikur kjo nuk ndodhi, pasi nuk desha të flisja për këtë. U thashë njerëzve se babai im vdiq në një aksident me makinë. Nuk desha të më shikojnë si viktimë”, ka thënë Charlize. 

Ajo ka thënë se atë kohë jetonte në frikë të vazhdueshme për shkak të babait të saj. “Jam krenare që kam mbijetuar”, ka shtuar aktorja e filmit ‘Atomic Blonde’. Një mbrëmje, babai i saj, Charles, u kthye në shtëpi në gjendje të dehur dhe filloi të kërcënojë se do ta vrasë me pushkë gruan Gerda dhe vajzën e tij, përcjell albinfo.ch.

Më pas ai e mori pushkën dhe nisi të gjuante. E frikësuar për jetën e saj dhe të Charlizes, Gerda ia rrëmbeu armën dhe e vrau. Nëna e Charlizes u lirua nga akuza për vrasje, pasi ajo veproi në vetëmbrojtje.