Aksion i madh policor edhe në Zvicër

Gjatë operacionit në shkallë të gjerë kundër krimit të organizuar, 400 njerëz janë kontrolluar në Zvicër

1000 persona u arrestuan në gjithë Evropën, si pjesë e operacionit “Arkimedi”.

Zvicra gjithashtu ishte përfshirë një aksion të madh kontrolli nga 14-19 shtator në kantonet Ticino, Cyrih, Schwyz, Vaud, Neuchâtel, Gjenevë, Bernë dhe St Gallen. Këtë informacion e ka bërë publik Alexander Rechsteiner, zëdhënës i Zyrës Federale të Policisë.

Në shënjestër ka qenë tregtia e organizuar me qenie njerëzore nga trafikantë rumunë.

Aksionin zviceran e kanë shoqëruar përfaqësues nga agjencitë të zbatimit të ligjit dhe organizatat joqeveritare nga Rumania.

Një total prej 400 personash në 60 vende janë bastisur në tërë Zvicrën, sipas Zyrës Federale të Policisë.

Gjithashtu kishte edhe arrestime.