Kosova

Aksidenti me 10 të vdekur nga Kosova, reagon edhe kryeministri kroat

Herët në mëngjes, një aksident i rëndë ndodhi afër Slavonski Brod, ku sipas mediave kroate 10 persona kanë humbur jetën dhe 30 kanë mbetur të lënduar

Një aksident i tmerrshëm ndodhi mëngjesin e sotëm në Kroaci, ku raportohet për 10 persona që kanë humbur jetën dhe 30 të lënduar, përcjell albinfo.ch.

Policia është duke hetuar rastin, derisa kanë mbërritur edhe zjarrfikësit dhe hetuesit në vendin e ngjarjes. Një shofer tjetër ishte po ashtu në autobus, derisa shkaqet ende po hetohen.

Kryeministri kroat shprehu ngushëllimet e tij për familjet kosovare.

“Është një trishtim të madh që morëm lajmin për një autobus që zbarkoi jashtë rrugës afër Slavonski Brod, në të cilin 10 persona humbën jetën. Ne jemi duke menduar për familjet e viktimave dhe autoritetet e Kosovës dhe njerëzit, të cilëve u shprehemi ngushëllimet dhe simpatitë tona më të thella”, tha Kryeministri Andrej Plenković përmes Twitter, duke shtuar se për shkak të aksidentit të tmerrshëm, se ka biseduar me Ministrin e Brendshëm të Kroacisë, Davor Bozhinoviq dhe me atë të Shëndetësisë, Vili Berosh. Ata janë nisur për në Slavonski Brod për të kuptuar nga afër gjendjen.