Abdixhiku i përgjigjet Kurtit: LDK-ja është e gatshme për zgjedhje

Kryetari i Lidhjes Demokratike të Kosovës, Lumir Abdixhiku, ka komentuar deklaratat e kryeministrit Kurti lidhur me mbajtjen e zgjedhjeve të ardhshme, përcjell albinfo.ch.

Kryeministri mbrëmë ka ofertuar partitë opozitare për zgjedhje të reja.

“Mund t’i bëjnë numrat bashkë me neve. Kjo është ofertë e imja. Unë po them po shkojmë në zgjedhje kur të dojë opozita”, ka thënë Kurti.

Kreu i LDK-së i është përgjigjur duke thënë se “Kurti është dorëzuar dhe duhet të japë dorëheqje”.

“Nëse është dorëzuar dhe duket se është dorëzuar, le të japë dorëheqje. Pra, nëse është dorëzuar, le të japë dorëheqje, pse ta komplikojë”, ka thënë Abdixhiku.

“LDK nuk bën mocion për shpërbërje të Kuvendit, por është e gatshme për zgjedhje dhe për qeverisje pas zgjedhjeve”, ka thënë Abdixhiku.