Donjeta Sadiku drejt historisë: Një hap larg medaljes së artë

Boksierja kosovare Donjeta Sadiku ka siguruar pjesëmarrjen në finalen e Lojërave Mesdhetare “Taranto 2026”, pas një paraqitjeje bindëse në gjysmëfinale.

Sadiku triumfoi me rezultat të pastër 5:0 ndaj boksieres greke Sofia Legaki, duke siguruar kështu medaljen e argjendtë për Kosovën.

Megjithatë, boksierja kosovare nuk do të kënaqet vetëm me argjendin. Ajo do të kërkojë medaljen e artë në finalen e nesërme, ku përballë do ta ketë boksieren serbe Kristina Kuluhova.

Me fitoren në gjysmëfinale, Sadiku tashmë i ka garantuar Kosovës një medalje në Lojërat Mesdhetare, ndërsa sfida e radhës do të përcaktojë nëse ajo do të ngjitet në shkallën më të lartë të podiumit.