Rritet numri i lindjeve në Kosovë

Nga janari deri në qershor të këtij viti, në Kosovë kanë lindur 13.250 fëmijë, sipas të dhënave të Agjencisë së Statistikave të Kosovës (ASK). Numri i lindjeve vazhdon të dominohet nga djemtë: 6.933 janë meshkuj dhe 6.317 janë femra.

Vetëm në muajin qershor janë regjistruar 2.544 lindje, prej të cilave 1.338 janë djem dhe 1.206 vajza. Krahasuar me majin e këtij viti, kjo tregon një rritje prej rreth 8% të lindjeve.

“Bazuar në të dhënat administrative për qershor, janë regjistruar 2.544 lindje brenda dhe jashtë Kosovës, prej të cilave 1.338 janë meshkuj dhe 1.206 femra. Krahasuar me majin 2025, kjo tregon një rritje prej 8%”, thuhet në raportin e ASK-së.