Krasniqi lufton sonte për titullin e Kampionit Botëror WBA

Sonte, më 21 mars, Robin Krasniqi lufton për të dytën herë për të fituar titullin e Kampionit Botëror të versionit WBA në kategorinë gjysmë të rëndë

Dueli kundër gjermanit Brähmer do të zhvillohet në Sallën e Sporteve të qytetit të Rostock-ut, 4800 vendet e të cilës tashmë janë të gjitha të shitura.

Në konferencën për medie në Dierhagen, boksieri nga Munihu, me prejardhje nga Kosova ka thënë: Ky është dueli më i rëndësishëm i jetës sime. Në parapërgatitje i kam bërë të gjitha që ta fitoj titullin”.

Krasniqi 27 vjeçar ka pasur para dy vitesh sprovën e parë për të fituar titullin e Kampionit Botëror, sprovë që e pati humbur nga britaniku Nathan Clerverly. “Kam mësuar shumë nga kjo humbje”, ka thënë ai. Ndërsa të shtunën ai do të kryqëzojë dorezat me boksierin me gjerman me përvojë, 36 vjeçarin Brahmer.