Hovenier bën thirrje që të mos hyhet me forcë në ndërtesat e komunave në veri

Ambasadori i SHBA-së në Kosovë, Jeffrey Hovenier, është deklaruar një ditë para betimit të kryetarëve të rinj që u zgjodhën për të udhëhequr me 4 komunat e veriut të Kosovës.

Pas një takimi me kryeministrin e Kosovës, Albin Kurti, Hovenier bëri thirrje të shmanget çdo konflikt dhe përplasje që ndikon në rritjen e tensioneve me betimin e kryetarëve të rinj në veri.

“I kam bërë disa komente edhe gjatë ditës së djeshme, të njëjtat i diskutova edhe sot. Shtetet e Bashkuara të Amerikës besojnë se kjo gjë duhet të ndodhë në një mënyrë që shmang konfliktet dhe përplaset që mund të qojnë në rritjen e tensioneve në veri. Ne jemi për zgjidhjen e kësaj çështjeje në mënyrë të mirë, ne nuk mendojmë që është ide e mirë që të përdoret forca për të arritur qasje në ndërtesat që mund të mos jenë të qasshme”, deklaroi Hovenier.