Dy burra i vunë zjarrin një gruaje, viktima dërgohet me helikopter në spital

Ka ndodhur në Areuse (Kantoni Neuchâtel). Gruaja ka pësuar djegie të rënda dhe është dërguar në një spital universitar me një helikopter shpëtimi

Dy burra të paidentifikuar kanë joshur një grua që të dilte nga shtëpia e saj në Areuse (Kantoni Neuchâtel) të enjten në mbrëmje. Pastaj ata e kanë spërkatur gruan me një produkt të ndezshëm.

Nga kjo, viktima ka pësuar djegie të rënda në kokë.

Siç njofton policia e kantonit Neuchâtel të premten, një person i panjohur u shfaq të enjten në mbrëmje në derën e një apartamenti në Areuse NE, të banuar nga një grua, transmeton albinfo.ch. Me një preteks tani të panjohur, burri ka arritur të joshte viktimën që të dilte nga ndërtesa.

Sipas gjetjeve fillestare, një person i dytë e ka spërkatur viktimën jashtë banesës me një lëndë djegëse, shkruan sda.ch.

Gruaja ka pësuar djegie të rënda dhe është trajtuar nga shërbimi i shpëtimit dhe më pas është dërguar në një spital universitar në Zvicrën perëndimore me një helikopter shpëtimi.

Autorët janë në arrati.

Prokuroria publike ka nisur një hetim penal, transmeton albinfo.ch. Policia është në kërkim të dëshmitarëve.

---