Numri i turistëve në Zvicër, pothuajse sa ai para pandemisë

Numri i fjetjeve të turistëve të huaj është rritur me rreth 42 për qind, duke arritur shifrën prej në 2.2 milionë

Në gusht të vitit 2022, ashtu si dhe në korrik, në hotelet e Zvicrës kanë qëndruar pothuajse numër i njëjtë mysafirësh sikur para krizës së Koronavirusit.

Kjo është arritur falë turistëve nga jashtë, transmeton albinfo.ch. Numri i fjetjeve të turistëve të huaj është rritur me rreth 42 për qind, duke arritur shifrën prej në 2.2 milionë.

Në rastin e grupit proporcionalisht më të madh të turistëve, atij nga Gjermania, shifra e parakrizës madje u tejkalua përsëri në 479,000, shkruan srf.ch.

Me 140,000 net qëndrime në Zvicër, turistët amerikanë gjithashtu kanë tejkaluar paksa vlerën e regjistruar në gushtin e vitit 2019. Nga ana tjetër, vizitorët nga Azia janë ende shumë larg për të arritur shifrat e para pandemisë.

Më pak turistë vendas në korrik dhe gusht

Ndërkohë, ka pasur rënie të vizitorëve zviceranë të hoteleve. Ata kanë shënuan 2.2 milionë fjetje në gusht, që do të thotë një rënie prej rreth 14 për qind krahasuar me një vit më parë. Kjo lidhet me faktin se gjatë viteve 2020 dhe 2021 shumë zviceranë kishin hequr dorë nga pushimet jashtë vendit, duke i dhënë përparësi turizmit vendor.

Megjithatë, në tetë muajt e parë të vitit ka pasur një rritje prej 34 për qind të turistëve vendorë.

---