Lajme
SHBA, në gjendje alarmi të hershëm nga varianti i ri
SHBA-ja është në gatishmëri të lartë për shkak të variantit të ri të COVID-19, Omicron, tha sot këshilltari i Shtëpisë së Bardhë për krizën shëndetësore, Anthony Fauci, duke u kërkuar amerikanëve të marrin dozën e tyre përforcuese të vaksinave kundër COVID-19.
Vendi nuk ka regjistruar raste të konfirmuara të këtij varianti, që po shkakton shqetësim global dhe mbyllje kufijsh, por këto deklarata të Dr. Fauci, të bëra në kanalin televiziv ABC, vijnë një ditë pas identifikimit të dy rasteve të para në Kanadanë fqinje, raporton Afp, përcjell Albinfo.ch.
“Natyrisht, ne jemi në gjendje alarmi të hershëm”, shtoi Fauci.
“Personat e kualifikuar duhet të “marrin dozën e tyre përforcuese tani”, pa pritur zhvillimin e një vaksine specifike për variantin Omicron, që mund të mos na nevojitet”.
“Ajo që ne dimë është se të vaksinuarit janë shumë më mirë se ata të pavaksinuar, veçanërisht kur kanë marrë dozën e tyre përforcuese”.
Kryeimunologu amerikan theksoi se “është e pashmangshme që herët a vonë Omicron të përhapet gjerësisht, sepse duket se është shumë ngjitës (…)”.
Ka pak siguri për këtë variant, i identifikuar fillimisht në Afrikën Jugore, në nëntor dhe i klasifikuar si “shqetësues” nga OBSH-ja.
Transmetueshmëria dhe rrezikshmëria e tij aktuale mbeten për t’u përcaktuar.
OBSH tha se, deri më sot, asnjë vdekje e lidhur me variantin Omicron nuk është raportuar.
SHBA-ja, që sapo rihapi kufijtë e saj për botën në fillim të nëntorit, u mbyll sot për udhëtarët nga tetë vende të Afrikës Jugore.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?