Pesë raste të reja me COVID në Shqipëri

Në 24 orët e fundit janë kryer 3039 testime dhe pesë persona kanë rezultuar të infektuar me COVID-19.

Njoftimi i përditshëm i Ministrisë së Shëndetësisë bën me dije se tre qytetarë janë shëruar duke e çuar numrin e personave që kanë fituar luftën me COVID në 130.050 që prej fillimit të pandemisë. Askush nuk ka humbur jetën dhe fatmirësisht kjo situatë vijon e stabilizuar prej rreth një muaji.

Ndërkaq janë 86 pacientë të infektuar në gjithë vendin, nga ku në spital ndodhen vetëm shtatë prej tyre. Numri më i lartë i qytetarëve pozitivë me COVID-19 është në kryeqytet, ndërsa në Gjirokastër ka vetëm një person të infektuar.