Hoxhallarët nga Zvicra urojnë 13-vjetorin e pavarësisë së Kosovës

Rrjeti i hoxhallarëve nga KMSHZ-ja kanë uruar Ditën e Pavarësisë së Kosovës, 17 shkurt, transmeton albinfo.ch.

URIMI ME RASTIN E PAVARËSISË SË KOSOVËS

Të dashur bashkatdhetarë,
Vëllezër dhe motra!

Me rastin e 13-vjetorit të pavarësisë së Republikës së Kosovës më lejoni t’ju përcjell urimet më të përzemërta dhe më të ngrohta në emër të Komunitetit Musliman Shqiptar të Zvicrës.

Sot është një ditë e shënuar për të gjithë shqiptarët kudo që ndodhen, ndaj dhe i gjithë kombi ynë kujton me respekt të thellë heronjtë dhe të gjithë ata që sakrifikuan për pavarësinë e Kosovës.

E lusim Zotin e Madhëruar t’i mëshirojë dëshmorët tanë, ta bëjë Kosovën tonë të dashur një vend të sigurt, me dëshirën për paqe, zhvillim e prosperitet për të gjithë qytetarët e Kosovës.

Urime dhe gëzuar të gjithëve 13-vjetorin e pavarësisë!

Hfz. Mehas Alija
Kryetar i KMSHZ-së